Almatyda 29 jáne 30 tamyz kúnderi Túrkistan oblysy men Almaty qalasynyń sharýalary jáne taýar óndirýshileri qatysatyn aýyl sharýashylyǵy jármeńkesi ótedi, - dep habarlaıdy alnews.
Saýda qatarlary Qazybek bı kóshesiniń Abylaı han dańǵyly men Panfılov kóshesi aralyǵyndaǵy bóliginde ornalasady.
Jármeńkede 500 tonnadan astam aýyl sharýashylyǵy ónimi usynylady. Túrkistan oblysynyń 16 aýdanynan sharýalar men óndirýshiler ónimin ákeledi.
Ónim túrleriniń qatarynda 100 tonnaǵa jýyq et ónimderi, 170 tonna kókónis, 66,5 tonna sút ónimderi, 30 tonna jemis-jıdek, sondaı-aq 70 tonna jıdek pen baqsha daqyldary bar.
Ónimderdi ortasha naryq baǵasynan 8–20% tómen baǵamen satý josparlanyp otyr.
Jármeńke Almatynyń azyq-túlik qaýipsizdigin qamtamasyz etý jáne óńiraralyq yntymaqtastyqty damytý baǵytyndaǵy jumystar aıasynda ótkiziledi. Sondaı-aq jármeńke otandyq aýyl sharýashylyǵy taýaryn óndirýshilerdi qoldaýǵa jáne turǵyndardyń balǵyn ónimderge qoljetimdiligin arttyrýǵa baǵyttalǵan.
