Almaty ákimi Darhan Satybaldynyń tapsyrmasy boıynsha qalada qurylys salasyndaǵy tártipti qamtamasyz etýge baǵyttalǵan júıeli jumystar jalǵasýda, - dep habarlaıdy alnews.
Baqylaý is-sharalarynyń qorytyndysy boıynsha tórt kompanıa lısenzıasynan aıyryldy, taǵy 350 qurylys kompanıasynyń lısenzıasynyń qoldanylýy toqtatyldy. Sondaı-aq qurylys qyzmetimen aınalysatyn 437 sýbektige qatysty zańnamaǵa sáıkes tıisti sharalar qabyldandy.
Áleýmettik mańyzy bar nysandardyń qurylysyn júzege asyratyn merdiger uıymdardyń qyzmetine erekshe nazar aýdaryldy.
Atap aıtqanda, «SK BEST Spec Story KZ» JSHS jobalaý qyzmetiniń İ sanattaǵy memlekettik lısenzıasynan aıyryldy. Sonymen qatar «Otaý-Qurmet» JSHS men «QazQSǴZI» AQ EU lısenzıalarynan aıyryldy. Al «Sáýlet Qurylys Konsaltıńi» JSHS lısenzıasynyń jekelegen qosalqy túriniń kúshi joıyldy.
Qala qurylysyn baqylaý basqarmasynyń ókilderi Almatyda óz biliktiligin dáleldeı alatyn, belgilengen talaptardy saqtaıtyn jáne qurylys jumystarynyń sapasyn qamtamasyz etetin kompanıalar ǵana jumys isteı alatynyn atap ótti.
Aıta ketý kerek, ótken jyldyń qorytyndysy boıynsha segiz qurylys kompanıasy lısenzıasynan aıyrylǵan bolatyn. Olardyń basym bóligi áleýmettik nysandardyń qurylysyn júzege asyrǵan.
