Almatydv 60-tan astam otandyq óndirýshiniń basyn qosqan «Qazaqstannyń úzdik taýary – 2026» óńirlik baıqaý-kórmesi ótti, - dep habarlaıdy alnews.
İs-shara qazaqstandyq kásiporyndardyń jetistikterin tanystyrýǵa, tájirıbe almasýǵa jáne jergilikti óndirýshilerdiń ónimderin ilgeriletýge arnalǵan mańyzdy alańǵa aınaldy.
Baıqaýdyń ashylý saltanatyna Almaty qalasy ákiminiń orynbasary Oljas Smaǵulov pen Almaty qalasy Kásipkerler palatasy «Atamekenniń» dırektory Shyńǵysqan Mamanov qatysty. Olar otandyq óndirýshilerdi memlekettik qoldaýdyń, ónim sapasyn arttyrýdyń jáne básekege qabiletti bıznesti damytýdyń mańyzdylyǵyn atap ótti.
Kúni boıy qatysýshylar Almatyda óndirilgen túrli ónimderdi kópshilik nazaryna usyndy. Baıqaý qorytyndysy boıynsha úsh nomınasıada jeńimpazdar anyqtaldy.
«Úzdik azyq-túlik taýarlary» nomınasıasynda I oryn – «Qulpynai Production» JSHS, II oryn – «Kompanıa «Kamerton» JSHS, al III oryn – «LOTTE Rahat» AQ aldy.
«Óndiristik maqsattaǵy úzdik taýarlar» nomınasıasynda I oryn – «BSF» JSHS, II oryn – «Konsern Bakarassov» JSHS, al III oryn – «SK Rahat» JSHS ıelendi.
«Halyqqa arnalǵan úzdik taýarlar» nomınasıasynda I oryn – «Qazaqstandyq Qubyr Júıeleri» JSHS, II oryn – «Jıgalma» JSHS, al III oryn – «Hyundai Trans Kazakhstan» JSHS-ne buıyrdy.
Óńirlik kezeńniń jeńimpazdary endi Almatynyń atynan «Qazaqstannyń úzdik taýary – 2026» respýblıkalyq baıqaýyna qatysyp, elimizdiń úzdik óndirýshisi ataǵy úshin baq synaıdy.
