20 qyrkúıekte, Qala kúni, Ospanov kóshesindegi Terenkýrda qazaqstandyq jáne sheteldik graffıtı sýretshileri qatysatyn art-festıval ótedi, - soobshaet alnews.
İs-shara Almatydaǵy zamanaýı kóshe óneriniń ashyq galereıasy — Street Art Avenue jobasyn damytýdyń jańa kezeńine jol ashady.
Qalada ǵımarattardyń qasbetin jańartý baǵdarlamasy jalǵasyp jatyr. Jobaǵa engen keıbir ǵımarattardyń qabyrǵasynda tanymal mýraldar bar. Almatyda qalyptasqan mádenı keńistikpen sabaqtastyqty saqtaý maqsatynda osy týyndylardyń avtorlaryna jańa jumystar jasaý usynyldy.
Qazirgi mýraldar sıfrlyq formatta saqtalady. Olardyń ornalasqan jerlerine QR-kod qoıylyp, sol arqyly túpnusqa jumystardy kórýge, olardyń tarıhy men avtorlary týraly bilýge bolady. Al sýretshilerdiń jańa jumystary Street Art Avenue keńistiginde usynylady.
İs-sharaǵa gıperrealıstik Balloon Graff týyndysynyń avtory, brıtanıalyq sýretshi Fanakapan, Máskeýden 310 / 310 Squad tobynyń ókilderi, belarýs sýretshisi Kontra / TAKTAK, sondaı-aq qazaqstandyq graffıtı sýretshileri qatysady.
Festıváldiń basty týyndysy Almatynyń sımvoldarynyń biri qar barysyna arnalǵan ortaq kompozısıa bolmaq. Ár sýretshi qar barysynyń beınesin ózinshe kórsetip, túrli stıl men tehnıkany bir týyndyda toǵystyrady.
Kúni boıy qala turǵyndary men qonaqtary mýraldardyń qalaı jasalyp jatqanyn tamashalap, olardyń avtorlarymen tanysa alady.
