Almatyda Qala kúnine oraı 32 túrge jatatyn 1,5 myńǵa jýyq jańa ósimdik egiledi, - dep habarlaıdy alnews.
Qalaǵa bıiktigi 3,5 metrge deıin jetetin iri aǵashtar, sándik pishin berilgen qylqanjapyraqty aǵashtar, dińi qalyptastyrylǵan ósimdikter, butalar men gúldeıtin kópjyldyq ósimdikter jetkizildi. Bul jóninde Almaty qalasy Ekologıa jáne qorshaǵan orta basqarmasynyń ókilderi habarlady.
Olardyń arasynda butaqtary birneshe deńgeıli etip qalyptastyrylǵan eresek aǵashtar erekshe kózge túsedi. Keıbirine baq bonsaıy stılinde sándik pishin berilgen. Aǵashtardyń aıryqsha pishini aldyn ala qalyptastyrylyp, keıin ósken saıyn saqtalyp otyrady.
Ósimdikterdiń qatarynda úndi lagerstremıasy, qara qaraǵaı, shashaqty gortenzıa, raýshan, bóriqaraqat, kúńgirt qyzylkúreń, sálben, narqaısar jáne basqa da sándik ósimdikter bar.
Almatyǵa arnalǵan ósimdikterdiń túrleri qytaılyq mamandarmen birlesip irikteldi. Ósimdikterdi tańdaýdan buryn qalanyń klımattyq erekshelikteri, temperatýranyń aýytqýy jáne qystap shyǵý jaǵdaılary zertteldi. Sonyń nátıjesinde jergilikti klımatqa beıimdelý múmkindigi eskerilip, qolaıly ósimdik túrleri men suryptary tańdaldy.
Jaqynda jańa ósimdikterdi qala aýmaǵyna otyrǵyzý jumystary bastalady.
