Almatyda Qala kúni qarsańynda medısınalyq uıymdarda Ashyq esik kúni ótedi, - dep habarlaıdy alnews.
Qala turǵyndary dárigerlerden keńes alyp, profılaktıkalyq tekserýden óte alady.
Qala emhanalarynda kardıolog, nevrolog, oftalmolog jáne basqa da mamandar qabyldaıdy. Kelýshiler arterıalyq jáne kózishilik qysymyn, qandaǵy qant pen holesterın deńgeıin teksertip, profılaktıkalyq medısınalyq tekserýden óte alady.
Ortalyq qalalyq klınıkalyq aýrýhananyń mamandary «Jansaıa» daǵdarys ortalyǵyna baryp, áıelderge keńes berip, profılaktıkalyq tekserý júrgizedi. Terapevt, nevrolog, oftalmolog, gınekolog, endokrınolog jáne basqa da mamandar qabyldaıdy.
Sonymen qatar Ortalyq qalalyq klınıkalyq aýrýhananyń mamandary qylmystyq-atqarý júıesi mekemelerinen bosap shyqqan áıelderge arnalǵan baspanaǵa baryp, onda da medısınalyq keńes berip, profılaktıkalyq tekserý uıymdastyrady.
№20 qalalyq emhana erekshe qajettiligi bar balalardy úıine baryp tekseredi. Sapar barysynda mamandar balalardyń densaýlyǵy baǵalanyp, qajetti usynymdar beriledi. Sondaı-aq, balalarǵa shaǵyn syılyqtar tabystalady.
Almaty revmatologıa ortalyǵynda turǵyndar revmatolog dárigerlerden keńes ala alady. Ftızıopýlmonologıa ortalyǵynda ftızıatrlar, pýlmonologtar jáne ftızıopedıatrlar qabyldaý júrgizedi.
Profılaktıkalyq is-sharalar qalanyń myna alańdarynda da ótedi:
📍 MEGA Alma-Ata, Rozybakıev kóshesi, 247A
📍 Atakent Mall, Tımırázev kóshesi, 42
📍 Forum Almaty, Seıfýllın dańǵyly, 617
Munda medısına qyzmetkerleri profılaktıkalyq is-sharalar ótkizip, turǵyndardy tekseredi.
Ashyq esik kúni týraly aqparatty medısınalyq uıymdar óziniń áleýmettik jelilerdegi resmı paraqshasynda jarıalaıdy.
