Almatyda Qala kúnine oraı 250 oryndyq №17 mektep-ınternat ǵımaratyn seısmıkalyq kúsheıtý jáne kúrdeli jóndeý jumystary aıaqtaldy, - dep habarlaıdy alnews.
Ǵımarat 1963 jyly salynǵan. Munda sońǵy ret kúrdeli jóndeý 2000 jyldary júrgizilgen. Búginde nysan tolyqtaı jańartyldy.
Joba aıasynda oqý jáne jatyn korpýstarynyń kótergish qurylymdary kúsheıtilip, shatyry, qasbeti men ishki bólmeleri jóndeldi. Injenerlik jeliler tolyǵymen jańartylyp, órtke qarsy qorǵanys, beınebaqylaý, kirýdi baqylaý jáne baılanys júıeleri jańǵyrtyldy.
Oqýshylar úshin oqý kabınetteri, ınformatıka kabıneti, aqparattyq-kitaphana ortalyǵy, medısınalyq blok, sport zaly jáne 100 oryndyq asqana qarastyrylǵan.
Mektep aýmaǵy da aıtarlyqtaı ózgerdi. 1,35 gektar aýmaqta basketbol jáne voleıbol alańdary, ártúrli jastaǵy balalarǵa arnalǵan oıyn alańdary, mekteptegi is-sharalar ótkizýge arnalǵan alań, demalys aımaqtary men júrginshiler joldary jabdyqtaldy. Aýmaq kórkeıtilip, kógaldandyryldy, syrtqy jaryqtandyrý júıesi ornatyldy.
Sondaı-aq ǵımaratta erekshe qajettiligi bar balalar úshin kedergisiz orta qalyptastyryldy.
Jańǵyrtýdan keıin 60 jyldan astam tarıhy bar mektep jumysyn qaýipsiz ári jaıly jaǵdaıda jalǵastyrady.
№17 mektep-ınternatty jańartý — Almatynyń bilim berý ınfraqurylymyn damytý baǵytyndaǵy jumystardyń bir bóligi. Bıyl qalada 31 bilim berý nysanynda jumystar qolǵa alynǵan. Onyń ishinde jańa mektepter men qosymsha ǵımarattar salý, sondaı-aq qoldanystaǵy ǵımarattardy jańǵyrtý jáne seısmıkalyq kúsheıtý jumystary bar.
