Almatydaǵy Perınatologıa jáne balalar kardıohırýrgıasy ortalyǵynyń aýmaǵynda «Náresteler aleıasy» ashyldy, - dep habarlaıdy alnews.
Igi bastama aıasynda osy Ortalyqta dúnıege kelgen balalardyń otbasylary 80 túp alma aǵashyn ekti. Bul týraly qalanyń Qoǵamdyq densaýlyq saqtaý basqarmasynyń ókilderi aıtty.
Aksıaǵa balalarymen birge ata-analar, ata-ájeler qatysty. İs-shara barysynda Almaty qalasy Qoǵamdyq densaýlyq saqtaý basqarmasynyń basshysy Marat Pashımov qatysýshylardy aleıanyń ashylýymen quttyqtady.
«Bul aleıa – ómirdiń, otbasylyq baqyt pen úmittiń sımvoly. Ár aǵash sábıdiń ómirge kelýimen sabaqtasyp, ár otbasynyń tarıhyndaǵy erekshe sátti beıneleıdi. Alma aǵashtary tamyryn tereńge jaıyp, jaıqalyp óssin. Olarmen birge balalarymyz da ósip, deni saý, baqytty bolyp erjetsin», – dedi Marat Pashımov.
Ol zamanaýı medısına – tehnologıa men joǵary dáldiktegi medısınalyq kómek qana emes, eń aldymen ár balanyń ómiri men densaýlyǵyna degen qamqorlyq ekenin atap ótti.
2022-2025 jyldary Ortalyqta 33 myńnan astam sábı dúnıege keldi, 1,6 myńnan astam jańa týǵan nárestege jansaqtaý jáne qarqyndy terapıa bólimderinde medısınalyq kómek kórsetildi.
Otbasylarmen birge egilgen 80 alma aǵashy Ortalyq aýmaǵyndaǵy jańa «Náresteler aleıasynyń» negizin qalady.
