Almatynyń Medeý aýdanynda medısına qyzmetkerleri aleıasyn kórkeıtý jumystary aıaqtaldy. Joba «Halyq qatysatyn búdjet» baǵdarlamasy aıasynda júzege asyryldy, - dep habarlaıdy alnews.
Qaıta jańǵyrtý barysynda qoǵamdyq keńistikte jalpy aýmaǵy 320 sharshy metr bolatyn jańa tas tóselgen júrginshiler joldary salyndy. Sondaı-aq, qorshaýlar ornatylyp, zamanaýı syrtqy jaryqtandyrý júıesi, kóshe shamdary, oryndyqtar men qoqys jáshikteri qoıyldy.
Aýmaqty kógaldandyrýǵa erekshe kóńil bólindi. Munda 2,7 myń sharshy metr aýmaqqa kógal egildi jáne 260 buta otyrǵyzyldy. Atqarylǵan jumystar turǵyndardyń serýendeýi men demalýyna qolaıly, qaýipsiz ári kórikti qoǵamdyq keńistik qalyptastyrýǵa múmkindik berdi.
Eske sala keteıik, «Halyq qatysatyn búdjet» baǵdarlamasy turǵyndardyń bastamalary men usynystaryn eskere otyryp, qala aýmaǵyn kórkeıtýge múmkindik beredi.
