Almatyda avtokólikterden bólinetin zıandy shyǵaryndylardy azaıtýǵa jáne aýa sapasyn jaqsartýǵa baǵyttalǵan Low Emission Zone (LEZ) jobasyn engizý boıynsha pılottyq jumys jalǵasyp jatyr, - dep habarlaıdy alnews.
Qyrkúıek aıyndaǵy monıtorıńtiń aralyq nátıjeleri avtokólikterdiń tehnıkalyq jaı-kúıin jáne qabyldanyp jatqan sharalardyń tıimdiligin baǵalaýǵa múmkindik beredi.
Osy kezeńde baqylaý beketterinde 6833 avtokólik tekserildi. Onyń 922-sinde (13,5%) zıandy shyǵaryndylar deńgeıiniń belgilengen normadan asqany anyqtaldy.
Janarmaı júıesin rettegennen keıin 561 avtokólik qaıta ólsheýden sátti ótti. Bul ýaqytyly tehnıkalyq qyzmet kórsetý men avtokólik júıelerin durys retteý zıandy shyǵaryndylar kólemin azaıtýǵa yqpal etetinin kórsetedi.
Pılottyq joba avtokólikterdiń tehnıkalyq jaı-kúıi týraly derekter jınaýǵa, máseleniń aýqymyn baǵalaýǵa jáne zıandy shyǵaryndylardy azaıtýdyń aldaǵy tásilderin aıqyndaýǵa múmkindik beredi.
Mamandardyń málimetinshe, Almatydaǵy aýa lastanýynyń shamamen 70%-y avtokólikterden shyǵatyn zıandy zattarǵa baılanysty. Osyǵan oraı kólik shyǵaryndylaryn baqylaý jáne júrgizýshilerdiń ekologıalyq jaýapkershiligin arttyrý qaladaǵy aýa sapasyn jaqsartýdyń negizgi baǵyttarynyń biri sanalady.
Qazirgi kezeńde joba pılottyq rejımde jumysyn jalǵastyryp jatyr. Jınalǵan derekter aldaǵy taldaý jumystary men tıisti sheshimder ázirleý úshin paıdalanylady. Joba aıasynda qalaǵa kirýge shekteý engizý, aıyppul salý nemese jol júrý aqysyn alý kózdelmegen. Pılottyq joba bıylǵy jyldyń sońyna deıin jalǵasady.
