Almaty qalasy Mádenıet basqarmasy Qazaqstannyń barlyq óńirindegi kásibı sýretshilerdi «Ajarly Almaty!» respýblıkalyq sýretshiler baıqaýyna qatysýǵa shaqyrady.
Baıqaý beıneleý ónerin damytýǵa, sýretshilerdiń shyǵarmashylyq qyzmetin qoldaýǵa, sondaı-aq beıneleý óneri týyndylary arqyly Almatynyń tarıhı, mádenı jáne tabıǵı kelbetin keńinen nasıhattaýǵa baǵyttalǵan.
Baıqaýǵa ultyna, jasyna jáne turǵylyqty jerine qaramastan, kórkemsýret bilimi (arnaýly orta nemese joǵary) bar Qazaqstan Respýblıkasynyń kásibı sýretshileri qatysa alady.
Negizgi talaptar:
- Baıqaý jumystary tómendegi taqyryptardyń birine sáıkes kelýge tıis:
– Almatynyń tarıhı jáne zamanaýı kelbeti;
– Almatynyń tabıǵaty, kórikti jerleri jáne sáýlet murasy;
– Almatynyń mádenıeti, óneri jáne qoǵamdyq ómiri. - Jumystar keskindeme (maıly boıaý, akrıl, tempera, akvarel), grafıka jáne aralas tehnıkada qabyldanady.
- Jumystyń eń tómengi ólshemi – 70 × 80 sm.
- Baıqaýǵa buǵan deıin kórmede qoıylmaǵan, baıqaýǵa qatyspaǵan jáne eshqandaı basylymda jarıalanbaǵan túpnusqa avtorlyq týyndylar ǵana qabyldanady.
Ótinimder men baıqaý materıaldary 2026 jyly 7 tamyz ben 7 qyrkúıek aralyǵynda azharlyalmaty@gmail.com elektrondyq poshtasy arqyly qabyldanady.
Júlde qory:
İ oryn — 3 000 000 teńge
İİ oryn — 2 jeńimpazǵa 2 000 000 teńgeden
İİİ oryn — 2 jeńimpazǵa 1 000 000 teńgeden
5 yntalandyrý syılyǵy — árqaısysy 300 000 teńgeden.
Jeńimpazdardy saltanatty marapattaý rásimi 2026 jyly qyrkúıekte Almaty qalasy kúnine oraı ótedi. Baıqaýdyń úzdik týyndylary qorytyndy kórmede usynylady.
Baıqaý týraly tolyq erejemen myna silteme arqyly tanysýǵa bolady:
https://www.gov.kz/memleket/entities/almaty-madeniet/documents/details/1051625?lang=ru
