Almaty qalasynyń Almaly aýdanynda jastar arasynda salaýatty ómir saltyn nasıhattaý, buqaralyq sportty damytý jáne jastardyń ózara yntymaqtastyǵyn nyǵaıtý maqsatynda «Jas CUP» fýtbol týrnıri uıymdastyryldy, - dep habarlaıdy alnews.
Sporttyq sharaǵa Almaly aýdanynyń belsendi jastary men fýtbolǵa qyzyǵýshylyq tanytqan jas sportshylar qatysyp, alańda ózara baq synasty.
Týrnırdiń basty maqsaty - jastardy sportqa baýlý, olardyń bos ýaqytyn tıimdi uıymdastyrý, komandalyq rýhty qalyptastyrý jáne aýdan jastary arasynda sporttyq mádenıetti damytý.
Jarys barysynda qatysýshylar ózderiniń sporttyq sheberlikterin, tabandylyǵy men jeńiske degen jigerin kórsetti. Tartysty ótken kezdesýler jastardyń komandalyq birligin arttyryp, ózara tájirıbe almasýyna múmkindik berdi.
Uıymdastyrýshylardyń aıtýynsha, mundaı sporttyq bastamalar jastardyń belsendi ómirlik ustanymyn qalyptastyrýda mańyzdy ról atqarady.
«Búginde jastardyń jan-jaqty damýyna jaǵdaı jasaý - basty basymdyqtardyń biri. Sport - tek dene shynyqtyrý quraly ǵana emes, ol tártipke, jaýapkershilikke jáne birlikke tárbıeleıtin mańyzdy orta. “Jas CUP” sıaqty jobalar arqyly biz jastardyń sportqa degen qyzyǵýshylyǵyn arttyryp qana qoımaı, olardyń ózara baılanysyn nyǵaıtýǵa, jańa múmkindikterge jol ashýǵa umtylamyz. Eń bastysy - jastardyń belsendiligi men bastamashyldyǵyn qoldaý», - dep atap ótti uıymdastyrýshylardyń ókili.
Týrnır qorytyndysy boıynsha úzdik óner kórsetken komandalar anyqtalyp, jeńimpazdar men júldegerler marapattaldy.
Aıta keteıik, «Jas CUP» - jastar arasynda buqaralyq sportty keńinen nasıhattaýǵa, salaýatty ómir saltyn qalyptastyrýǵa jáne belsendi jastar qaýymdastyǵyn damytýǵa baǵyttalǵan sporttyq bastama.
Almatyda jastardyń sporttyq áleýetin arttyrýǵa jáne olardyń bos ýaqytyn mazmundy uıymdastyrýǵa baǵyttalǵan osyndaı is-sharalar aldaǵy ýaqytta da jalǵasyn tabady.
