Almaty qalasynda qala jastarynyń qatysýymen «Jańa dáýir jastary» atty pikir almasý alańy uıymdastyryldy. İs-sharany Almaty qalasy Jastar saıasaty basqarmasynyń qoldaýymen qalanyń belsendi jastaryótkizdi.
Kezdesýdiń maqsaty – jastar arasynda azamattyq jaýapkershilik, otansúıgishtik qundylyqtardy nyǵaıtý, sondaı-aq el damýyna úles qosa alatyn jańa bastamalar men ıdeıalardy bir alańda talqylaý.
Dıalog barysynda spıkerler men qatysýshylar elimizdiń tarıhı kezeńderi, táýelsizdiktiń qundylyǵy, ulttyq biregeılik, jastar belsendiligi jáne qoǵamdaǵy eriktiliktiń jańa róli týraly pikir almasty. Sonymen qatar, qala jastaryna qoljetimdi múmkindikter, bilim berý jobalary, áleýmettik bastamalardy júzege asyrý joldary da aıtyldy.
«Biz – táýelsiz eldiń jastary. Bizdiń ár oıymyz, ár bastamamyz – el bolashaǵyna qosylǵan úles. Jastar ózine sense, qoǵam da ózgeredi. Eń bastysy – áreket pen birlik» - dedi qatysýshylardyń biri Aıaýlym Amangeldi.
Shara sońynda qatysýshylar jańa birlesken jobalardy júzege asyrýǵa nıet bildirip, ózara baılanys jelisin keńeıtti.
Aıta keteıik, bundaı sharalar Almaty qalasynda júıeli túrde uıydastyrylady.
