Almatynyń Arbat aýmaǵynda, Jibek joly men Panfılov kósheleriniń qıylysynda 15 qyrkúıek saǵat 15:00-de Eńbek kúni men Almaty qalasynyń kúnine oraı jalpyqalalyq bos jumys oryndary jármeńkesi ótedi, - dep habarlaıdy alnews.
İs-sharany Almaty qalasynyń Eńbek mobıldiligi ortalyǵy Almaty qalasy ákimdigi men Jumyspen qamtý jáne áleýmettik baǵdarlamalar basqarmasynyń qoldaýymen uıymdastyrady.
Jármeńkege 100 jumys berýshi qatysyp, 400-den astam bos jumys ornyn usynady. Bul rette 2 500-ge jýyq adamdy jumyspen qamtýǵa múmkindik bar.
İs-shara barysynda jumys izdeýshiler jumys berýshilermen tikeleı kezdesip, bos jumys oryndary, eńbek jaǵdaıy, jalaqy deńgeıi, áleýmettik kepildikter jáne kásibı damý múmkindikteri týraly aqparat ala alady. Sondaı-aq, jumyspen qamtý salasyndaǵy memlekettik qoldaý sharalary men kásiptik oqytý baǵdarlamalary boıynsha keńes beriledi.
Kúni: 15 qyrkúıek 2026 jyl
Qatysýshylardy tirkeý: 13:00
Bastalýy: 14:00
Ótetin orny: Almaty qalasy, Arbat aýmaǵy, Jibek joly jáne Panfılov kósheleriniń qıylysy.
BAQ ókilderin atalǵan is-sharaǵa qatysýǵa shaqyramyz.
BAQ ókilderi úshin baılanys: Jansaıa: +7 747 820 2803
