Almatyda Infinity Chess Cup Almaty 2026 ınklúzıvti shahmat týrnıri ótti, - dep habarlaıdy alnews.
Jarysqa estý jáne kórý qabileti buzylǵan, sondaı-aq tirek-qımyl apparaty zaqymdanǵan shahmatshylar qatysty. Bul týraly Almatynyń Jumyspen qamtý jáne áleýmettik baǵdarlamalar basqarmasynyń ókilderi habarlady.
Saıys shveısarıalyq júıe boıynsha jeti týrdan turdy. Oıyn nátıjeleri FIDE reıtıńin esepteý kezinde eskerildi. Jalpy júlde qory 1 mln teńge.
Jarysqa tájirıbesi men daıyndyq deńgeıi ártúrli shahmatshylar qatysyp, ózara baq synady. Týrnır qatysýshylarǵa sheberligin kórsetýge, tájirıbe jınaýǵa jáne básekeli ortada oınaýǵa múmkindik berdi.
Infinity Chess Cup Almaty 2026 týrnıri Almaty qalasynyń Jumyspen qamtý jáne áleýmettik baǵdarlamalar basqarmasy, Qazaqstan shahmat federasıasy jáne Funduk Life qorynyń qatysýymen uıymdastyryldy.
Týrnır ınklúzıvti sportty damytý jáne erekshe qajettiligi bar adamdardyń qalanyń sporttyq ómirine qatysý múmkindikterin keńeıtý baǵytyndaǵy jumystar aıasynda ótti.
