Almaty qalasynda 2026 jylǵa arnalǵan ǵylymı jáne ǵylymı-tehnıkalyq jobalarǵa granttyq qarjylandyrý boıynsha ótinim qabyldaý aıaqtalýǵa jaqyn, - dep habarlaıdy alnews.
Baıqaý Ǵylym kúni aıasynda, Qazaqstan Respýblıkasy Prezıdentiniń ǵylymnyń rólin kúsheıtý jáne zamanaýı ǵylymı ekojúıeni qalyptastyrý jónindegi tapsyrmalary sheńberinde, sondaı-aq sıfrlandyrý jylynyń basymdyqtaryna sáıkes jarıalanǵan.
Baıqaý qalanyń naqty mindetterin sheshýge baǵyttalǵan qoldanbaly zertteýlerdi qoldaýǵa arnalǵan. Bul mindetter Almaty qalasynyń 2050 jylǵa deıingi damý strategıasynda aıqyndalǵan.
Qarjylandyrýdyń basym baǵyttaryna qolaıly qalalyq ortany damytý, turaqty ekonomıkalyq ósimdi qamtamasyz etý, ýrbanızasıany tıimdi basqarý, áleýmettik turaqtylyq, «Jasyl Almaty» bastamasy aıasyndaǵy ekologıalyq saıasat, «Almaty – smart-sıtı» sıfrlyq transformasıasy, sondaı-aq «Qaýipsiz qala» tujyrymdamasy sheńberinde qaýipsizdik deńgeıin arttyrý jatady.
Baıqaýdyń ereksheligi — onyń qoldanbaly sıpaty jáne ǵylymı ázirlemelerdi qalalyq ortaǵa engizýge baǵyttalýy. Bul tásil teorıalyq zertteýlerden tikeleı qala turǵyndarynyń ómir sapasyna áser etetin praktıkalyq sheshimderge kóshýge múmkindik beredi.
«Baıqaýdyń ereksheligi — ǵylym, memleket jáne bıznestiń jańa ózara is-qımyl modelin qalyptastyrýynda. Ǵylymı ázirlemeler qalanyń naqty máselelerin sheshýge baǵyttalady, al granttar olardyń is júzinde engizilýine arnalǵan», — dedi «Turan» ýnıversıtetiniń prorektory Dına Razaqova.
Ǵylymı qaýymdastyq ókilderiniń aıtýynsha, negizgi mindet — praktıkalyq iske asyrýǵa daıyn jobalardy qoldaý. Sarapshylar qoldanbaly ǵylymdy damytý qala ómir sapasyn arttyrý men turaqty damýdyń mańyzdy faktory ekenin atap ótedi.
«Ákimdik granttary ǵylymı ázirlemelerdiń zerthanadan shyǵyp, ekologıada, kólikte, sıfrlyq qyzmetterde jáne basqa da salalarda qoldanylýyna baǵyttalǵan», — dedi Sholpan Jamanbaeva.
Ótinimder 2026 jylǵy 10 sáýir men 10 mamyr aralyǵynda Almaty qalasy ákimdiginiń keńsesi arqyly qaǵaz jáne elektrondyq formatta qabyldanady. Tolyq aqparat ákimdiktiń resmı saıtynda qoljetimdi.
Baıqaýdy uıymdastyrýshy — Almaty qalasynyń Jastar saıasaty basqarmasy. Qatysýǵa akkredıttelgen ǵylymı jáne ǵylymı-tehnıkalyq qyzmet sýbektileri, sondaı-aq avtonomdy bilim berý uıymdary jiberiledi.
Granttyq qarjylandyrýdyń iske qosylýy ǵylymdy damytý jáne ınovasıalyq sheshimderdi qalalyq ortaǵa engizý jónindegi memlekettik saıasatty júzege asyrýdaǵy mańyzdy qadam bolmaq.
Anyqtama telefondary: +7 (727) 338-50-02, +7 (727) 338-39-00, +7 (727) 338-38-39
Eske salaıyq, Almaty ákimi tapsyrmasyna sáıkes qalada ǵylymı áleýet pen qoldanbaly zertteýlerdi júıeli túrde qoldaý qalyptasyp keledi. Almaty dástúrli túrde elimizdiń eń iri ǵylymı-bilim ortalyǵy mártebesin saqtap otyr.
Qalada 35 joǵary oqý orny, 131 ǵylymı-zertteý ınstıtýty jáne ǵylym salasyndaǵy 142 kásiporyn jumys isteıdi. Bul Almatynyń damýyna zor zıatkerlik resýrs qalyptastyrady.
