Ál-Farabı dańǵylynyń Esentai Mall saýda oıyn-saýyq ortalyǵy mańyndaǵy bóliginde jol qozǵalysyn uıymdastyrý syzbasy ózgerdi, - dep habarlaıdy alnews.
Bul shara kólik qozǵalysyn rettep, jol qaýipsizdigin arttyrý jáne júrgizýshilerdiń jolaqtardy retsiz aýystyrýyna jol bermeý maqsatynda qolǵa alyndy. Bul týraly qalalyq Jol qozǵalysyn uıymdastyrý jáne jolaýshylar kóligi basqarmasynyń ókilderi habarlady.
Basqarmanyń málimetinshe, buǵan deıin saýda ortalyǵynan shyqqan júrgizýshiler birden kórshiles jolaqtarǵa aýysa alatyn. Sonyń saldarynan birneshe kólik qatar manevr jasap, sol jaq shetki jolaqqa umtylatyn. Bul joldaǵy qozǵalystyń baıaýlaýyna jáne kólikterdiń birkelki júrmeýine sebep bolǵan.
Endi soltústik baǵytta Úshkempirov kóshesinen Esentaı ózenine deıingi aralyqta qozǵalys syzbasy retteldi. Saýda ortalyǵynan shyqqan kólikterdiń birden jolaq aýystyrýyna shekteý qoıylyp, bul bólikte tutas jolaq syzyqtary syzyldy.
Jańa tártip birneshe kóliktiń bir ýaqytta manevr jasaýyn azaıtyp, kólik sanyn jolaqtarǵa birkelki bólýge jáne osy ýchaskedegi qozǵalysty jeńildetýge múmkindik beredi.
Júrgizýshilerden qozǵalys syzbasyndaǵy ózgeristerdi eskerip, jol belgileri men jol tańbalarynyń talaptaryn saqtaýdy jáne Qazaqstan Respýblıkasynyń Jol qozǵalysy erejelerin basshylyqqa alýdy suraımyz.
