5 qyrkúıekte Ortalyq stadıonda ótetin Enrıke Iglesıastyń konserti kezinde Almatydaǵy qoǵamdyq kólik, onyń ishinde metropolıten de qalypty rejımde jumys isteıdi, - dep habarlaıdy alnews.
Kórermenderge yńǵaıly bolý úshin ári qaýipsizdikti qamtamasyz etý maqsatynda konsert aıaqtalǵannan keıin 50 tegin shattl uıymdastyrylady. Olar stadıonnyń Abaı dańǵyly men Baıtursynuly kóshesi jaǵynan jolǵa shyǵady.
Shattldar kelesi baǵyttar boıynsha qatynaıdy:
* Áýejaı;
* Orbıta shaǵynaýdany;
* Almaty-1 temirjol vokzaly;
* Raıymbek-Alataý;
* Almaty Arena.
Qosymsha baǵyttardyń uıymdastyrylýy kórermenderge is-shara aıaqtalǵannan keıin qalanyń negizgi kólik toraptary men aýdandaryna jyldam jetýge múmkindik beredi.
Almaty turǵyndary men qala qonaqtaryna Ortalyq stadıonǵa barý jáne keri qaıtý baǵytyn aldyn ala josparlap, múmkindiginshe qoǵamdyq kólikti paıdalaný usynylady.
Eske salaıyq, Enrıke Iglesıastyń Almatydaǵy konserti 5 qyrkúıekte Ortalyq stadıonda ótedi. İs-shara saǵat 20:00-de bastalady.
