9 qyrkúıekte Almatydaǵy «Dostyq» sport kesheninde dúnıejúzilik toǵyzqumalaq kúnine arnalǵan týrnır ótti, - dep habarlaıdy alnews.
İs-shara qala ákimdiginiń qoldaýymen uıymdastyrylyp, jarysty Almatynyń Toǵyzqumalaq sporty federasıasy ótkizdi. Bul týraly qalalyq Sport basqarmasynyń ókilderi habarlady.
Jarysqa 200-ge jýyq adam qatysty. Týrnır rapıd formatynda bes týr boıynsha ótti. Qatysýshylar birneshe jas sanatynda, sondaı-aq qala turǵyndary men Almaty quramasy ókilderi arasynda baq synady.
Jeńimpazdar:
9 jasqa deıingi qyzdar arasynda — Qýatbek Jansaıa;
9 jasqa deıingi uldar arasynda — Ańsaǵan Muhammed-Salıh;
11 jasqa deıingi qyzdar arasynda — Nurǵulja Gaýhar;
11 jasqa deıingi uldar arasynda — Rysbek Baqytkeldi;
13 jasqa deıingi qyzdar arasynda — Baǵlanqyzy Aıanat;
13 jasqa deıingi uldar arasynda — Dúısen Nurasyl;
qala turǵyndary arasynda — Saılaýbek Seısenbaıev;
Almaty quramasy ókilderi arasynda — Jarqynbek Áıgerim.
Barlyǵy segiz sanat boıynsha 32 jeńimpaz ben júldeger anyqtaldy. Týrnır qorytyndysy boıynsha úzdik nátıje kórsetken qatysýshylar marapattaldy.
İs-sharanyń maqsaty – ulttyq zıatkerlik oıyndy keńinen nasıhattaý, óskeleń urpaqtyń toǵyzqumalaqqa qyzyǵýshylyǵyn arttyrý jáne ulttyq qundylyqtardy dáripteý.
Aıta keteıik, Almatyda 400-ge jýyq bala toǵyzqumalaqpen kásibı túrde aınalysady.
