9 qyrkúıekte Almatydaǵy «Dostyq» sport kesheninde Dúnıejúzilik toǵyzqumalaq kúnine arnalǵan merekelik jarys ótedi, - dep habarlaıdy alnews.
Oǵan qala mektepteriniń oqýshylary men qala qonaqtary qatarynan 200-ge jýyq adam qatysady. Bul týraly Almaty qalasy Sport basqarmasynyń ókilderi habarlady.
Jarystyń negizgi maqsaty – ulttyq zıatkerlik oıyndy keńinen nasıhattaý, jas urpaqtyń toǵyzqumalaqqa qyzyǵýshylyǵyn arttyrý jáne ulttyq qundylyqtardy dáripteý.
Saıys rapıd formatynda bes týr boıynsha ótedi. Saǵat 09:00-de jarystyń saltanatty ashylý rásimi ótip, odan keıin qatysýshylar bes týrda baq synaıdy. Ár týrdyń qorytyndysyn tóreshiler alqasy bekitedi.
Baǵdarlamaǵa ashyq týrnır, merekelik ashylý rásimi, toǵyzqumalaq saıystary, sondaı-aq jeńimpazdar men júldegerlerdi marapattaý kiredi. Jabylý saltanaty saǵat 16:00-de bastalady.
İs-shara Almaty qalasy ákimdiginiń qoldaýymen uıymdastyrylady.
Kúni: 9 qyrkúıek 2026 jyl
Bastalýy: 09:00
Ótetin orny: «Dostyq» sport kesheni
Qosymsha aqparat: 8 775 650 58 45
