Almatyda Tóle bı kóshesi, 182 mekenjaıynda ornalasqan «Asi» dámhanasyna zańsyz salynǵan qosalqy nysandy májbúrli túrde buzý jumystary júrgizilip jatyr. Bul týraly Qala qurylysyn baqylaý basqarmasynyń ókilderi aıtty.
Buǵan deıin nysan ıesine qatysty ákimshilik shara qoldanylyp, keıin zań buzýshylyq deregi boıynsha materıaldar sotqa joldanǵan.
Ákimshilik quqyq buzýshylyqtar jónindegi mamandandyrylǵan aýdanaralyq sottyń qaýlysymen nysan ıesine ákimshilik aıyppul salynyp, zańsyz qosalqy nysandy májbúrli túrde buzý týraly sheshim shyǵaryldy. Keıin nysan ıesi bul sheshimge shaǵymdanǵanymen, Almaty qalalyq sotynyń qaýlysymen birinshi satydaǵy sottyń sheshimi ózgerissiz qaldyryldy.
Qazirgi ýaqytta sot sheshimin oryndaý maqsatynda Ádilet departamenti sot oryndaýshylarynyń qatysýymen nysandy buzý jumystary bastaldy.
