Almatynyń Jetisý aýdanynda «Halyq qatysatyn búdjet – 2026» baǵdarlamasy aıasynda taǵy bir aýmaqty kórkeıtý jumystary aıaqtaldy, - dep habarlaıdy alnews.
Almatydaǵy Buryndaı kóshesi, 173d/19 mekenjaıynda oıyn oınaýǵa, sportpen aınalysýǵa, demalýǵa jáne otbasymen ýaqyt ótkizýge arnalǵan tolyqqandy qoǵamdyq keńistik paıda boldy. Buǵan deıin munda shaǵyn ǵana balalar alańy bolǵan.
Endi munda fýtbol alańy, eki balalar oıyn alańy, vorkaýt aımaǵy jáne demalýǵa arnalǵan eki jaıly oryn bar. Turǵyndar úshin 11 oıyn elementi, 14 oryndyq, 14 qoqys jáshigi jáne eki pergola ornatyldy.
Aýmaqtyń ózine de erekshe kóńil bólindi. Munda 3 myń sharshy metrge jýyq jańa brýschatka tóselip, rezeńke jáne asfált jabyndary jańartyldy. 2 myń sharshy metrge jýyq jerge kógal tóselip, gúlder men butalar egildi.
Jasyl jelekti kútip ustaý úshin uńǵymamen jabdyqtalǵan avtomatty sýarý júıesi ornatyldy.
Jetisý aýdanynda «Halyq qatysatyn búdjet» baǵdarlamasy aıasynda osyndaı jumystar 25 aýmaqta júrgizilip jatyr. Keıbirinde joba aıaqtalsa, endi birinde jumys qyzǵan.
