Almatyda bıyl kóppáterli turǵyn úılerdegi 105 jedelsatyny aýystyrý josparlanǵan. Bul týraly qalalyq Komýnaldyq ınfraqurylym jáne turǵyn úı ınspeksıasy basqarmasynyń ókilderi aıtty.
Jańartylatyn jedelsatylardyń 47-si 25 jyldan astam ýaqyt paıdalanylǵan, al 58-i tehnıkalyq turǵydan kúrdeli jóndeýdi qajet etedi. Joba 2023-2029 jyldarǵa arnalǵan turǵyn úı-kommýnaldyq ınfraqurylymdy damytý tujyrymdamasy aıasynda iske asyrylýda.
Qazir Almatyda 14,5 myńǵa jýyq jedelsaty paıdalanylýda. Onyń ishinde 8,4 myńnan astamy 2 671 kóppáterli turǵyn úıde ornatylǵan.
Basqarma ókilderiniń málimetinshe, jedelsatylardyń tozý deńgeıin eskere otyryp, turǵyndardyń qaýipsizdigin qamtamasyz etý úshin qalada jyl saıyn keminde 150 jedelsatyny jańartý qajet.
