Almatyda komýnaldyq aqyly avtoturaqtardyń tarıfterin kólik júktemesine qaraı saralaý usynyldy, - dep habarlaıdy alnews.
Jańa tásil avtoturaq oryndarynyń qoljetimdiligin arttyryp, kólik qozǵalysy qarqyndy ýchaskelerdegi júktemeni azaıtýǵa baǵyttalǵan. Joba qalalyq máslıhat sesıasynda tanystyryldy.
Komýnaldyq aqyly avtoturaqtardaǵy qoldanystaǵy saǵatyna 100 teńge tarıf 2016 jyldan beri ózgergen joq. Osy ýaqyt ishinde qaladaǵy kólik sany 1 mıllıonnan asyp, jol-kólik ınfraqurylymyna túsetin júkteme artty.
Almaty qalasy Jol qozǵalysy jáne jolaýshylar kóligin uıymdastyrý basqarmasynyń basshysy Erjan Dıhanbaevtyń aıtýynsha, biryńǵaı tarıf, ásirese qalanyń ortalyq bóliginde, avtoturaq oryndarynyń tıimdi aınalymyn qamtamasyz etip, bos oryndardyń qoljetimdiligin saqtaýǵa jetkiliksiz bolyp otyr. Sonyń saldarynan júrgizýshiler bos oryn izdep, kólikpen qosymsha júrýge májbúr bolady.
Osy máseleni sheshý úshin avtoturaq tarıfin aýmaqtaǵy kólik júktemesi men onyń fýnksıonaldyq ereksheligine qaraı belgileý usynylady.
Joba boıynsha kólik júktemesi tómen ýchaskelerde saǵatyna 100 teńge tarıf saqtalady. Ortasha júktemeli aýmaqtarda tarıf 150 teńge, al kólik kóp júretin ári avtoturaq oryndary tapshy ýchaskelerde 200 teńge bolady.
Bul rette turǵyndarǵa arnalǵan jeńildik saqtalady. Aqyly avtoturaq aımaǵynda turatyn turǵyn úı ıeleri arnaıy ruqsat rásimdep, úıine jaqyn ornalasqan avtoturaqty tegin paıdalana alady. Sonymen qatar paıdalanýshylardyń keıbir sanattary úshin qoldanystaǵy jeńildikter de saqtalady. Bul shara jergilikti turǵyndardyń múddesin eskerýge jáne avtoturaq keńistigin jaıly paıdalanýǵa múmkindik beredi.
Joba ázirleýshileriniń pikirinshe, usynylyp otyrǵan ózgeris avtoturaq keńistigin neǵurlym tıimdi basqarýǵa baǵyttalǵan.
Jańa júıe avtoturaq oryndarynyń aınalymyn arttyryp, kólik kóp jınalatyn kóshelerde turaqtaý ýaqytyn qysqartýǵa jáne qysqa merzimge kólik qoıatyn júrgizýshiler úshin bos oryndardyń qoljetimdiligin jaqsartýǵa baǵyttalǵan.
Jobany iske asyrý ekinshi qatarǵa kólik qoıý jaǵdaıyn azaıtýǵa, bos oryn izdeýge ketetin ýaqytty qysqartýǵa, qala ortalyǵyndaǵy kólik júktemesin tómendetýge jáne jol qozǵalysyna qatysýshylardyń barlyǵy úshin neǵurlym qolaıly jaǵdaı jasaýǵa kómektesedi dep boljanyp otyr.
