3 tamyz Almaty qalasynda Dúnıejúzilik jastar kúnine arnalǵan ALMA LOVE 2026 qalalyq jastar festıvali aıasynda Jas Vibe merekelik aksıasy bastaý aldy, - dep habarlaıdy alnews.
Joba 12 tamyzǵa deıin jalǵasyp, qala turǵyndaryna merekelik kóńil kúı syılaýǵa jáne festıváldiń qorytyndy is-sharalaryna shaqyrýǵa baǵyttalǵan.
On kún boıy Almaty kóshelerinde arnaıy brendtelgen avtobýs qatynap, qala maskottary men «Jas Almaty» belsendileri turǵyndardy kele jatqan merekemen quttyqtap, túrli ınteraktıvter uıymdastyrady, kóterińki kóńil kúı syılap, barsha almatylyqtardy 12 tamyz kúni ótetin festıváldiń qorytyndy konsertine shaqyrady.
Aksıa barysynda ınteraktıvter men oıyndarǵa belsendi qatysqan turǵyndarǵa ALMA LOVE 2026 festıvaliniń qorytyndy konsertine arnalǵan fan-aımaqqa shaqyrý bıleti tabystalady.
Joba jastardyń qoǵamdyq belsendiligin arttyrýǵa, qalalyq birlik pen dostyq rýhyn qalyptastyrýǵa, sondaı-aq jastar mádenıetin damytýǵa baǵyttalǵan.
«Osyndaı merekelik jobalardyń qalanyń ár aýdanynda ótip jatqany óte qýantady. Bul adamdardy biriktiredi, jaqsy kóńil kúı syılaıdy jáne jastardyń bastamalaryna qyzyǵýshylyqty arttyrady. Mindetti túrde festıváldiń qorytyndy konsertine qatysamyn», - dep atap ótti aksıaǵa qatysqan Almaty qalasynyń jas turǵany.
ALMA LOVE 2026 festıvali Almaty qalasy ákimdiginiń qoldaýymen uıymdastyrylyp, Dúnıejúzilik jastar kúnine oraı mádenı, sporttyq, bilim berý, ekologıalyq jáne áleýmettik baǵyttaǵy ondaǵan is-sharany biriktiredi.
