Almatynyń Kásipkerlik jáne ınvestısıalar basqarmasy iri kásipkerlik sýbektilerin qospaǵanda, jeke kásipkerler men zańdy tulǵalardan áleýmettik kásipkerlik sýbektileriniń tizilimine engizý úshin ótinishter qabyldaý bastalǵanyn habarlaıdy.
Áleýmettik kásipker mártebesi qyzmeti áleýmettik máselelerdi sheshýge baǵyttalǵan kásipkerlerge beriledi. Olarǵa mynalar jatady:
• halyqtyń áleýmettik osal sanattaryna jatatyn azamattardy jumyspen qamtý;
• áleýmettik osal sanattaǵy qyzmetkerler óndirgen ónimderdi ótkizý;
• halyqtyń áleýmettik osal toptaryna arnalǵan taýarlar óndirý jáne qyzmetter kórsetý;
• qoǵamǵa paıdaly qyzmetpen aınalysý;
• bilim berý jáne mádenı-aǵartýshylyq qyzmetti júzege asyrý.
Áleýmettik kásipkerlik sýbektilerine memlekettik qoldaýdyń arnaıy sharalary qarastyrylǵan. Olardyń qatarynda 5 mln teńgege deıingi memlekettik granttar, úı-jaılardy jeńildetilgen sharttarmen berý jáne jeńildetilgen nesıe berý bar.
Qujattar 2026 jyly 1 qyrkúıekten 15 qyrkúıekke deıin qabyldanady.
Ótinim berý orny: «Almaty qalasynyń Kásipkerlik jáne ınvestısıalar basqarmasy» KMM
Mekenjaıy: 050040, Almaty qalasy, Baızaqov kóshesi, 303, 3-qabat, 302-kabınet.
Baılanys telefony: +7 775 838 7965
Elektrondyq poshta: info@almaty.upp.kz
Aıta keterligi, 2026 jyly 15 qyrkúıekten keıin kelip túsken ótinimder qaraýǵa qabyldanbaıdy. Qujattar toptamasy tolyq emes, málimetteri nemese qujattary qate bolǵan jaǵdaıda nemese Qaǵıdalarda belgilengen nysandarǵa sáıkes kelmese, uıymdastyrýshy usynylǵan qujattardy kásipkerge qaıtarady.
Konkýrstyq qujattamamen myna silteme arqyly tanysýǵa bolady:
https://adilet.zan.kz/rus/docs/V2300033105
