7 jáne 8 qarasha Almatyda Abaı oblysynyń fermerleri men taýar óndirýshileri qatysatyn aýyl sharýashylyǵy jármeńkesi ótedi, - dep habarlaıdy alnews.
Qala turǵyndary azyq-túlik ónimderiniń 20-ǵa jýyq túrin ortasha naryqtyq baǵadan 8–20%-ǵa tómen baǵamen satyp ala alady.
Jármeńke Shevchenko kóshesiniń Pýshkın jáne Qonaev kósheleri arasyndaǵy bóliginde uıymdastyrylady. Óndirýshiler jalpy 100 tonnadan astam azyq-túlik ákeledi.
Satylymǵa sıyr, jylqy jáne qoı eti, ósimdik maıy, sút ónimderi, qymyz, bal, qurt, baýyrsaq, kondıterlik ónimder jáne basqa da taýarlar shyǵarylady.
Ónimder deldaldardyń qatysýynsyz, tikeleı óndirýshilerden satylady. Bul turǵyndarǵa azyq-túlikti qoljetimdi baǵamen satyp alýǵa, al Abaı oblysynyń fermerlerine ónim ótkizý naryǵyn keńeıtýge múmkindik beredi.
Jármeńke Almatynyń azyq-túlik qaýipsizdigin qamtamasyz etý jáne Qazaqstan óńirlerinen aýyl sharýashylyǵy ónimderin tikeleı jetkizýdi damytý jumystary aıasynda ótkiziledi.
