Almatyda Abaı kúnine oraı ádebı, mádenı jáne aǵartýshylyq baǵyttaǵy birqatar is-shara uıymdastyrylady, - dep habarlaıdy alnews.
Qala turǵyndary men qonaqtaryn uly aqyn, oıshyl Abaı Qunanbaıulynyń murasyna arnalǵan konsert, poezıa oqýlary, kitap kórmesi, dáris, shyǵarmashylyq kezdesý jáne taqyryptyq jobalar kútedi.
Negizgi is-sharalardyń biri – «Almaty Summer Fest» jobasy aıasynda ótetin «Abaı álemi» konsert-spektakli. Ol 8 tamyz saǵat 18:00-den 22:00-ge deıin «Alataý» dástúrli óner teatrynyń aldyndaǵy alańda ótedi. Qoıylymnan keıin merekelik konsert uıymdastyrylady.
Baǵdarlamada Maqpal Júnisova, Janar Dýǵalova, 6ellucci, KeshYou, Asqat Tarǵyn, IL Canto kvarteti, Talǵat Kúzembaev, Erlan Bilál, Nurlybek Naǵmetov, Serik Isahan, Nurlan Berdibaev, Birjan Demeuly, ISATAY óner kórsetedi. Sondaı-aq «Alataý» dástúrli óner teatrynyń artıseri, «ALATAÝ» ansambli jáne Medeý aýdanynyń shyǵarmashylyq ujymdary sahnaǵa shyǵady.
10 tamyz saǵat 08:30-da Abaı alańynda qala ákimdigi ókilderiniń, qoǵam qaıratkerleri men zıaly qaýym ókilderiniń qatysýymen aqyn eskertkishine gúl qoıý rásimi ótedi.
7 tamyz
10:00, Qazaqstan Jazýshylary kitaphanasy (11-sh/a, 37) – «Abaı oqýlary – 2026» poezıa keshi.
11:00, Belsendi uzaq ómir súrý ortalyǵy – «Abaı murasy – ult qazynasy» poezıa keshi.
11:00, S. Muqanov pen Ǵ. Músirepovtiń ádebı-memorıaldyq mýzeı kesheni (M. Tólebaev kóshesi, 125) – «Belgili abaıtanýshy» dárisi.
11:00, Mádenıet úıi (Kemel shaǵynaýdany, Esim han kóshesi, 127a) – «Abaı – dana, Abaı – dara qazaqta» mýzykalyq-poezıalyq keshi.
12:00, Almaty mýzeıi (Qabanbaı batyr kóshesi, 132) – «Abaı murasy – ult rýhanıatynyń temirqazyǵy» atty kezdesý.
16:00, Almaty galereıasy (Dostyq dańǵyly, 44) – «Qylqalammen Abaı álemine: Uly dalanyń peızajdary» sheberdiń sabaǵy.
8 tamyz
16:00, Naýryzbaı aýdanynyń komúnıtı ortalyǵy (Shuǵyla shaǵynaýdany, 340B) – «Abaı óleńderi» akýstıkalyq keshi.
10 tamyz
10:00, №176 mektep-gımnazıa kitaphanasy – «Danalyqtyń dara joly – Abaı» mektep oqýshylary arasyndaǵy mánerlep oqý baıqaýy.
11:00, №24 kitaphana (4-Aınabulaq shaǵynaýdany, 174) – «Adamzattyń alyby – hakim Abaı» ádebı-mýzykalyq keshi.
11:00, №6 kitaphana (Tatar kóshesi, 32) – «Ólmeıtuǵyn artyna sóz qaldyrǵan» ádebı-poezıalyq keshi.
11:00, №14 kitaphana (Rımskıı-Korsakov kóshesi, 3) – «Abaı murasy – ulttyń rýhanı qazynasy» tanymdyq saǵaty.
11:00, №29 kitaphana (Orbıta-4 sh/a, 10) – «Uly dala úni – Abaı» ádebı-mýzykalyq keshi.
11:00, Muhtar Áýezov atyndaǵy kitaphana (Abaı dańǵyly, 141) – «Abaı murasy jáne qazirgi jastar: rýhanı jańǵyrý men jańa kózqaras» taqyrybyndaǵy dóńgelek ústel.
11:00, Alatau Creative Hub ortalyǵy (Nurkent shaǵynaýdany, 5/11) – «Abaı sózi – urpaqqa amanat» poezıa keshi.
12:00, Naýryzbaı aýdanynyń komúnıtı ortalyǵy (Shuǵyla shaǵynaýdany, 340B) – «Abaı oqýlary» ádebı keshi.
14:00, №1 kitaphana (L. Tolstoı kóshesi, 36) – «Asyl sózdi izdeseń, Abaıdy oqy, erinbe…» ádebı podıýmy.
14:00, №32 kitaphana (Dostyq dańǵyly, 42B) – «Abaı» kúni. «Abaıdy oqy, tany, úlgi al!» portrettik keshi.
14:00, Almaty kitaphanalarynyń fılıaly (Rozybakıev kóshesi, 247/7) – «Hákim Abaı – ult rýhanıatynyń temirqazyǵy» ádebı-mýzykalyq keshi.
16:00, Esentaı ózeniniń jaǵalaýy – «Jaǵalaýdaǵy Abaı» ınstallásıalyq jobasynyń tanystyrylymy. Joba qala turǵyndary men qonaqtaryn uly aqynnyń shyǵarmashylyǵy jáne rýhanı murasymen tanystyrýǵa baǵyttalǵan. Installásıa aıasynda Abaıdyń naqyl sózderi men shyǵarmalarynan úzindi usynylyp, jastardyń ulttyq qundylyqtarǵa qyzyǵýshylyǵyn arttyrýǵa jáne merekelik mádenı keńistik qalyptastyrýǵa yqpal etedi.
Sonymen qatar 10 tamyz №6 Oqýshylar úıiniń aýmaǵynda uly qazaq aqyny, aǵartýshysy ári oıshyly Abaı Qunanbaıulynyń shyǵarmashylyǵyna arnalǵan art-galereıa uıymdastyrylady.
