Almatyda Abaı kúnine oraı uly aqyn, oıshyl ári aǵartýshy Abaı Qunanbaıulynyń eskertkishine gúl qoıý rásimi ótti, - dep habarlaıdy alnews.
İs-sharaǵa Almaty qalasynyń ákimi Darhan Satybaldy, zıaly qaýym ókilderi, qalalyq máslıhat depýtattary, Qoǵamdyq keńes músheleri, Qazaqstan Respýblıkasy Ulttyq ǵylym akademıasy men Qazaqstan Jazýshylar odaǵynyń ókilderi, Muhtar Áýezov atyndaǵy Ádebıet jáne óner ınstıtýtynyń qyzmetkerleri, bilim berý salasynyń ókilderi jáne jastar qatysty.
Qatysýshylar Abaıdyń rýhyna taǵzym etip, eskertkishine gúl qoıdy. Rásim sońynda Qazaqstannyń halyq artısi Bolat Ábdilmanov «Abaıdyń jumbaǵy» monologyn oryndady.
Abaı kúnine oraı Almatyda aqynnyń ómiri, shyǵarmashylyǵy men rýhanı murasyna arnalǵan mádenı is-sharalar ótip jatyr.
Ótken senbide «Abaı álemi» mýzykalyq-poetıkalyq keshi ótti. 20 myńnan astam qala turǵyny men qonaǵy Qazaqstannyń halyq artısi Maqpal Júnisova jáne IL Canto tobymen birge Abaı ánderin shyrqady.
Búgin de Almatynyń kitaphanalary men mýzeılerinde, jastar komúnıtı ortalyqtarynda jáne qalanyń ózge de mádenı alańdarynda taqyryptyq is-sharalar ótip jatyr.
