29 qyrkúıekte saǵat 19:00-de Abaı atyndaǵy Qazaq ulttyq opera jáne balet teatry aldyndaǵy alańda Almaty qalasynyń kúnine jáne teatrdyń jańa maýsymynyń ashylýyna oraı «Mura» atty aýqymdy open-air gala-konserti ótedi, - dep habarlaıdy alnews.
İs-shara Almaty qalasy ákimdiginiń jáne «Halyk» qaıyrymdylyq qorynyń qoldaýymen uıymdastyrylady.
Konsert baǵdarlamasyna opera, balet, sımfonıalyq mýzyka, hor óneri, jaz, etno jáne zamanaýı mýzykalyq baǵyttardy biriktiretin 30 biregeı nómir enedi. Kesh barysynda klasıkalyq jáne ulttyq ónerdiń baı murasy zamanaýı sahnalyq bezendirý jáne mýltımedıalyq sheshimder arqyly usynylady.
Konserttiń vızýaldy baǵdarlamasynda 500-den astam eksklúzıvti sahnalyq kostúm, teatr ǵımaratynyń qasbetine túsiriletin aýqymdy 3D-proeksıalar, lazerlik ınstallásıalar, sondaı-aq pırotehnıkalyq jáne otty shoý elementteri paıdalanylady.
İs-shara aıasynda «Taza Qazaqstan» ulttyq ekologıalyq bastamasyna da erekshe nazar aýdarylady. Konserttiń sahnalyq bezendirilýine paıdalanylǵan tiri aǵashtar men ósimdikter is-shara aıaqtalǵannan keıin Almatynyń kógaldandyrýdy qajet etetin shaǵynaýdandarynyń birine, sondaı-aq teatr aýmaǵyna egiledi.
Kesh qonaqtaryn saǵat 18:00-den bastap dj_dobsun qarsy alady.
Kúni: 29 qyrkúıek 2026 jyl
Bastalýy: 19:00
Ótetin orny: Abaı atyndaǵy Qazaq ulttyq opera jáne balet teatry aldyndaǵy alań
Mekenjaıy: Almaty qalasy, Qabanbaı batyr kóshesi, 110
İs-sharanyń ótýine baılanysty 29 qyrkúıek kúni saǵat 18:00-den 23:00-ge deıin Qabanbaı batyr kóshesiniń Abylaı han kóshesi men Nazarbaev dańǵyly aralyǵyndaǵy bóligi avtokólik qozǵalysy úshin jabylady.
Qala turǵyndary men qonaqtaryn atalǵan ýaqyt aralyǵynda júrý baǵytyn aldyn ala josparlap, múmkindiginshe balama baǵyttardy paıdalanýǵa shaqyramyz.
BAQ ókilderine arnalǵan baılanys nómirleri:
Ekaterına Chensova — +7 701 393 39 83
Aqerke Qasymbekqyzy — +7 702 283 03 02
Fatıma Tohtaýhanqyzy — +7 708 502 40 23
