Almatyda aýa temperatýrasynyń kúrt tómendeýine baılanysty qala ákimi Darhan Satybaldynyń tapsyrmasymen jylytý maýsymyn ádettegiden erterek bastaý týraly sheshim qabyldandy, - dep habarlaıdy alnews.
9 qazannan bastap qalada ortalyq jylý júıesine qosý jumystary bastalady.
Aldymen jylý áleýmettik nysandarǵa – balabaqshalarǵa, mektepterge jáne medısınalyq mekemelerge beriledi. Bul týraly Almaty qalasynyń Energetıka jáne sýmen jabdyqtaý basqarmasynyń ókilderi aıtty.
Turǵyn úılerdi ortalyq jylýǵa qosýdy 10 qazannan bastaý josparlanǵan. Jylý úıge berilgennen keıin PIK pen MIB mamandary ishki jylý júıelerin retteıdi. Olar radıatorlar men tikqubyrlardaǵy aýany shyǵaryp, qysymdy retteıdi jáne jylýdyń páterlerge birkelki taralýyn qamtamasyz etedi.
«Almaty jylý júıesi» JSHS qysqy kezeńge daıyndyq jumystaryn aıaqtady. Jylý jelilerinde týyndaýy múmkin máselelerge jedel den qoıý úshin materıaldar men qajetti jabdyqtardyń qory jasaqtaldy. 2026-2027 jyldardaǵy jylytý maýsymynda 16 apattyq jáne jóndeý brıgadasy kezekshilik atqarady. Barlyǵy 220 maman men 56 tehnıka jumyldyrylady.
