27 qyrkúıekte Almatyda Almaty Marathon 2026 ótýine baılanysty qoǵamdyq kóliktiń qozǵalys syzbasy ýaqytsha ózgeredi, - dep habarlaıdy alnews.
Ózgerister saǵat 04:30-dan bastap kúshine enip, sporttyq is-shara aıaqtalǵanǵa deıin jalǵasady. Bul týraly qalalyq Jol qozǵalysyn uıymdastyrý jáne jolaýshylar kóligi basqarmasynyń ókilderi habarlady.
Ózgerister marafon baǵytyna kiretin jol ýchaskelerinde avtokólik qozǵalysynyń tolyq jabylýyna baılanysty engiziledi. Shekteýler kezinde №2, 3, 4, 5, 5A, 5B, 12, 18, 19, 21, 22, 25, 29, 29R, 30, 31, 32, 34, 37, 38, 38A, 44, 45, 48, 55, 56, 57, 59, 62, 63, 63A, 65, 66, 70, 72, 77, 79, 80, 81, 85, 86, 87, 90, 92, 95, 98, 99, 101, 103, 104, 106, 107, 109, 112, 113, 116, 118, 119, 120, 120A, 121, 123, 124, 127, 128, 130, 132, 135, 137, 140, 141, 145, 205, 209, 210, 211, 218 jáne 224 avtobýs baǵyttarynyń qozǵalys syzbasy ózgertiledi. Olar úshin ýaqytsha aınalyp ótý syzbalary qarastyrylǵan.
Sonymen qatar, marafon aıaqtalǵanǵa deıin №1, 5, 6, 7, 9, 11, 12, 19 jáne 25 troleıbýs baǵyttarynyń qozǵalysy ýaqytsha toqtatylady.
İs-shara aıaqtalyp, shekteý alynyp tastalǵannan keıin qoǵamdyq kólik qalypty qozǵalys syzbasyna qaıta oralady.
Almaty turǵyndary men qala qonaqtarynan ýaqytsha ózgeristerdi eskerip, baǵytyn aldyn ala josparlaý suralady.
