Almatyda 2027 jyly 8 qańtardan bastap tómen shyǵaryndylar aımaǵynda (LEZ) atmosferalyq aýany qorǵaýǵa baǵyttalǵan birqatar ekologıalyq talap kúshine enedi, - dep habarlaıdy alnews.
Solardyń biri azamattyq pırotehnıkalyq buıymdardy qoldanýǵa tyıym salý. Muny Almatynyń Ekologıa jáne qorshaǵan orta basqarmasynyń ókilderi aıtty.
Jańa talap Almaty qalasynyń Atmosferalyq aýany qorǵaý qaǵıdalarynda qarastyrylǵan. Qujattyń 51-tarmaǵyna sáıkes, tómen shyǵaryndylar aımaǵynda azamattyq pırotehnıkalyq zattar men olardy qoldanatyn buıymdardy qoldanýǵa tyıym salynady. Bul shekteý turǵyndar erkin satyp ala alatyn petarda, otshashý, salút jáne basqa da pırotehnıkalyq ónimderge qatysty bolady.
Degenmen bul norma Almatynyń barlyq aýmaǵynda birden qoldanylady degendi bildirmeıdi. Shekteý tek tómen shyǵaryndylar aımaǵynyń shekarasy belgilengennen keıin sol aýmaqta kúshine enedi.
LEZ shekarasy Almaty ákimdiginiń jeke qaýlysymen bekitiledi. Qaýly qabyldanyp, aımaqtyń naqty shekarasy belgilengen soń pırotehnıkalyq buıymdardy paıdalanýǵa qoıylatyn talap sol aýmaqta qoldanylady. Osylaısha, 2027 jyly 8 qańtardan bastap Qaǵıdalardyń tıisti normasy kúshine enedi, al onyń naqty qoldanylýy tómen shyǵaryndylar aımaǵynyń shekarasy bekitilýine baılanysty bolady.
Atmosferalyq aýany qorǵaý qaǵıdalarynda budan bólek, aýa sapasyn jaqsartýǵa baǵyttalǵan basqa da ekologıalyq sharalar qarastyrylǵan. Olar avtokólikterge, qatty jáne suıyq otyndy paıdalanýǵa, sondaı-aq keıbir nysandar men shyǵaryndylar kózderine qoıylatyn talaptardy qamtıdy.
