Almatyda áleýmettik mańyzy bar azyq-túlik taýarlarynyń, onyń ishinde kókónis ónimderiniń baǵasyn turaqtandyrýǵa baǵyttalǵan keshendi sharalar júzege asyrylyp jatyr, - dep habarlaıdy alnews.
Osy maqsatta «Almaty» ÁKK» AQ men Magnum Cash&Carry saýda jelisi arasynda jasalǵan turaqtandyrý týraly kelisim aıasynda 2026 jylǵy 1 qyrkúıekten bastap qalada kókónister belgilengen baǵamen satylyp jatyr.
Bul mehanızm 2027 jyly 30 sáýirge deıin qoldanylady. Osy kezeńde Magnum Cash&Carry jelisi arqyly 9 920 tonna kókónis ónimin satý josparlanǵan. Onyń ishinde 4 960 tonna kartop, 1 760 tonna sábiz, 2 000 tonna pıaz jáne 1 200 tonna qyryqqabat bar.
Qazirgi tańda kókónisterdiń bir kılogramyna belgilengen shekti baǵa mynadaı: kartop – 214 teńge, sábiz – 208 teńge, pıaz – 139 teńge, qyryqqabat – 118 teńge. Shekti baǵalar eki apta saıyn qaıta qaralady.
Kókónis ónimderin Almaty qalasyndaǵy Magnum jelisiniń dúkenderinen satyp alýǵa bolady.
Kókónisterdi turaqtandyrylǵan baǵamen satý qala turǵyndary úshin áleýmettik mańyzy bar azyq-túlik ónimderiniń qoljetimdiligin qamtamasyz etýge jáne maýsymaralyq kezeńde baǵanyń ósýin tejeýge baǵyttalǵan.
