Almatyda 1 qyrkúıekke deıin 15 magıstraldyq kóshede ortasha jóndeý aıaqtaldy, - dep habarlaıdy alnews.
Almatyda bıyl jalpy uzyndyǵy 250 shaqyrym bolatyn 340 kósheni ortasha jóndeýmen qamtý josparlanǵan. Sonyń nátıjesinde jaqsy jáne qanaǵattanarlyq jaǵdaıdaǵy joldyń úlesi 95%-ǵa deıin jetkiziledi.
Jol ınfraqurylymyn damytý basqarmasy ókilderiniń málimetinshe, 1 qyrkúıekke deıin jalpy uzyndyǵy 32 shaqyrym bolatyn 15 magıstraldyq kósheniń ýchaskelerinde jóndeý aıaqtaldy. Olar – Zenkov, Jamaqaev, Jetisý, Shemákın, Mámbetov, Rysqulbekov, Janqoja batyr, Eskendirov, Aqan seri, Manas, Ǵabdýllın, Jandosov, Ortalyq, Úshkempirov kósheleri men Qulja tasjolynyń ýchaskeleri.
Jubanov, Ótegen batyr kósheleriniń, sondaı-aq Altynsarın jáne Abaı dańǵyldarynyń aýmaqtarynda asfáltbeton jabynynyń tómengi qabaty tóseldi. Aldaǵy demalys kúnderi tyǵyz qıyrshyq tas-mastıkalyq asfáltbeton qospasynan jabynnyń joǵarǵy qabaty tóseledi. Odan keıin jol tańbasy syzylady.
Ortasha jóndeý aıasynda tósem jol boıynda búkil eni boıynsha jańartylyp, júrginshi joly men aryq naýalarynyń búlingen ýchaskeleri jóndeledi.
Aýdandyq mańyzy bar kóshelerge erekshe nazar aýdarylyp otyr. Bıyl Alataý aýdanynda 99 kóshe, Áýezov aýdanynda – 16, Naýryzbaı aýdanynda – 19, Bostandyq aýdanynda – 39, Túrksib aýdanynda – 21, Jetisý aýdanynda – 44, Medeý aýdanynda – 78 jáne Almaly aýdanynda 1 kóshe ortasha jóndeýden ótedi. Búginde jumystar 70%-ǵa oryndaldy, 31 qazanǵa deıin tolyq aıaqtaý josparlanǵan.
Sonymen qatar Jol ınfraqurylymyn damytý basqarmasy bıyl Aqjar, Boraldaı jáne Rahat-Mádenıet shaǵynaýdandarynda jalpy uzyndyǵy 96 shaqyrym bolatyn jańa joldyń qurylysyn jalǵastyryp otyr. Búginde jumystardyń 80%-dan astamy aıaqtaldy.
