Almaty volonterleri jastar arasynda, azamattardyń qaýipsizdik salasyndaǵy bilim deńgeıin arttyrýǵa, jaýapkershilik qalyptastyrýǵa jáne qatysýyn keńeıtýge baǵyttalǵan túsindirme jumystaryn ótkizýde. İs-shara Almaty qalasy Jastar saıasaty basqarmasy jáne qalalyq Tótenshe jaǵdaılar departamentiniń qoldaýymen uıymdastyrdy.
İs-sharalarǵa volonterler, jastar uıymdarynyń belsendileri, qaladaǵy kolejder men joǵary oqý oryndarynyń stýdentteri, sondaı-aq Almaty qalasy Tótenshe jaǵdaılar departamentiniń qyzmetkerleri qatysty. Baǵdarlama barysynda evakýasıanyń úlgilik elementteri kórsetildi, órt, jer silkinisi jáne basqa da qaýipter kezinde alǵashqy áreket etý nusqaýlyqtary berildi, sondaı-aq zardap shekkenderge alǵashqy medısınalyq kómek kórsetý algorıtmderi talqylandy.
Qatysýshylar qala turǵyndaryn qoǵamdyq qaýipsizdik sharalaryn saqtaýǵa, turmysta jáne kóshede muqıat bolýǵa, azamattyq jaýapkershiliktiń mańyzdylyǵyn túsinýge jáne tótenshe jaǵdaılar týyndaǵan kezde der kezinde áreket etý qajettiligine shaqyrdy.
«Mundaı jobalar qaýipsizdik mádenıetin qalyptastyrýǵa, praktıkalyq daǵdylardy damytýǵa jáne halyqtyń yqtımal táýekelder týraly habardarlyǵyn arttyrýǵa yqpal etedi», - dedi is-shara qatysýshysy, volonter Asem Gazez.
Uıymdastyrýshylardyń aıtýynsha, jastardy tartý tótenshe jaǵdaılardyń aldyn alýda mańyzdy ról atqarady, al osyndaı aksıalardy júıeli túrde ótkizý qoǵamnyń tehnogendik jáne tabıǵı sıpattaǵy qaýipterge tózimdiligin arttyrady.
