2026 jyly 10 maýsymda Almatyda Túrkıa Respýblıkasynan kelgen jastar delegasıasyn qarsy alý sharasy ótti. Sapar «Almaty – Túrki memleketter astanasy-2025» jobasy aıasynda uıymdastyrylyp, jastar arasyndaǵy halyqaralyq yntymaqtastyqty damytýǵa jáne tájirıbe almasýǵa baǵyttaldy, - dep habardaıdy alnews.
Baǵdarlamanyń alǵashqy kúni delegasıa músheleri Almatydaǵy jastar saıasatyn iske asyrý tájirıbesimen tanysty. Qonaqtarǵa álemdik tájirbıeden alynǵan jáne jastardy qoldaýǵa baǵyttalǵan zamanaýı komúnıtı ortalyqtardyń biri Áýezov aýdany komúnıtı ortalyǵynyń jumysy kórsetildi.
Qalanyń barlyq aýdanynda ornalasqan komúnıtı ortalyqtarda almatylyq jastar tegin bilim berý kýrstaryna, sheberdiń sabaqtaryna, kásipkerlik pen medıasaýattylyq boıynsha trenıńterge qatysyp, eriktilik jobalarǵa, ekologıalyq aksıalarǵa, mádenı jáne sporttyq is-sharalarǵa belsene aralasady. Munda jastardyń soft skills daǵdysyn damytýǵa, bastamalaryn qoldaýǵa jáne áleýmettik mańyzy bar jobalarǵa tartýǵa erekshe kóńil bólinedi.
«Almaty qalasy túrki álemi jastaryn biriktiretin mańyzdy halyqaralyq alańǵa aınalýda. Túrkıa Respýblıkasynan kelgen jastar delegasıasynyń sapary ózara tájirıbe almasýǵa, jańa jobalardy damytýǵa jáne jastar uıymdary arasyndaǵy seriktestikti nyǵaıtýǵa múmkindik beredi. Biz túrki memleketteri jastarynyń bastamalaryn qoldaýǵa, olardyń áleýetin ashýǵa jáne halyqaralyq yntymaqtastyqty odan ári keńeıtýge árdaıym daıynbyz», – dedi Almaty qalasy Jastar saıasaty basqarmasynyń basshysy Azız Kajdenbek.
Halyqaralyq jastar baǵdarlamasy aldaǵy kúnderi bilim berý, mádenı jáne qoǵamdyq is-sharalarmen jalǵasady.
Esterińizge sala keteıik, Almaty qalasy 2025 jyly alǵash ret «Túrki áleminiń jastar astanasy» mártebesine ıe boldy. Osy mártebe aıasynda qalada halyqaralyq jastar almasýlary, forýmdar, mádenı jáne bilim berý jobalary júzege asyrylyp keledi. Al bıyl «Kazakhstan-Turkey Psychosocial Support Project» forýmy ótip, resmı túrde 14 maýsym kúni Túrki memleketter uıymynyń jańa astanasy anyqtalyp, kilt tabystalady.
