2026 jyly 30 qarashadan bastap Air Astana áýe kompanıasy Almaty – Tokıo baǵyty boıynsha tikeleı áýe qatynasyn iske qosady, - dep habarlaıdy alnews.
Reısterdi aptasyna eki ret Airbus A321LR ushaǵymen oryndaý josparlanǵan. Ushaqtar Tokıonyń Narıta halyqaralyq áýejaıyna (NRT) qonady.
Tikeleı reıstiń ashylýy Qazaqstan men Japonıa arasyndaǵy týrısik jáne iskerlik baılanysty damytýdaǵy mańyzdy qadam bolmaq. Jańa baǵyt Almatyny japon saıahatshylary úshin qoljetimdi etip, eki el arasyndaǵy týrıser legin arttyrýǵa qosymsha múmkindik beredi.
Jańa baǵyttyń iske qosylýy — Almatynyń Japonıa týrısik naryǵynda júrgizip kele jatqan júıeli marketıńtik jumysynyń zańdy jalǵasy.
Qyrkúıek aıynda Almaty Tokıoda ótken Azıadaǵy eń iri halyqaralyq týrısik kórmelerdiń biri Tourism EXPO Japan 2026 kórmesinde tanystyryldy. Visit Almaty stendi kásibı aýdıtorıaǵa qalanyń týrısik múmkindikterin tanystyrdy. Almaty ókilderi týroperatorlarmen, týrısik uıymdarmen, iri kompanıalarmen jáne japon medıasalasynyń ókilderimen 150-den astam iskerlik kezdesý ótkizdi.
Kórmege qatysý iskerlik baılanysty keńeıtýge, Almatynyń tanymaldyǵyn arttyrýǵa jáne qalany Japonıa naryǵynda ilgeriletýdiń jańa baǵyttaryn aıqyndaýǵa múmkindik berdi.
Japonıa naryǵymen júrgizilgen jumystyń taǵy bir naqty nátıjesi 30 qyrkúıekte Almaty Tourism Bureau men japondyq Rakuten Sports arasynda memorandýmǵa qol qoıylýy boldy. Yntymaqtastyq aıasynda sporttyq jáne oqıǵalyq týrızmdi damytý, Almatyda halyqaralyq jarystar ótkizý múmkindigin qarastyrý jáne qalany iri sporttyq jobalar arqyly tanytý kózdelgen.
Osylaısha, Almaty – Tokıo tikeleı reısiniń ashylýy, shahardyń Tourism EXPO Japan kórmesinde tanystyrylýy jáne japon bıznesimen seriktestiktiń damýy Almatynyń Japonıa týrısik naryǵyna shyǵýyna baǵyttalǵan keshendi jumysty qalyptastyrady. Bul jumys qalany tanytýdan jáne iskerlik baılanys ornatýdan bastap, tikeleı kólik qatynasyn qamtamasyz etýge deıingi baǵyttardy qamtıdy.
Búginde Almatydan 60-tan astam halyqaralyq baǵytqa tikeleı reıster oryndalady. Qala Qazaqstannyń iri avıasıalyq jáne týrısik haby retindegi ornyn odan ári nyǵaıtyp keledi.
