Jazdyń eń jarqyn mádenı jobalarynyń biri Almaty Summer Fest aıasynda altynshy open-air konserti sátti ótti, - dep habarlaıdy alnews.
Almaty qalasy ákimdiginiń qoldaýymen uıymdastyrylyp jatqan mýzykalyq keshter qala turǵyndary men qonaqtaryna kóterińki kóńil kúı syılap, jazǵy demalystyń sánin keltirip otyr.
Joba bastalǵaly beri ótken alty konsertke 60 myńnan astam kórermen qatysty. Ashyq aspan astyndaǵy sahnada Kalifarniya, Qanay, Búrkit pen Aısha, Janbolat pen Jazıra, Elnur Naýryzbek, Ǵalamat Beıseqoja, Ernar Jumataev, Aksunkar, Juma Ábil, Azamat Tórehan, Erdáýlet Muratuly, Nurislam, JVSMIN, Dana Turar, Baymaman jáne DJ Akhmetoff óner kórsetti.
Konsert «Alataý» dástúrli óner teatry alańynda ótip júr. Bul oryn búginde Alataý aýdanynyń turǵyndary men qala qonaqtaryn toǵystyratyn mańyzdy mádenı ortalyqqa aınalyp keledi.
Almaty Summer Fest jobasynyń basty maqsaty – qala turǵyndary men týrıserge qoljetimdi ári sapaly mádenı demalys usyný, qazaqstandyq ónerpazdardy qoldaý jáne Almatynyń mádenı ómirine tyń serpin berý. Ashyq aspan astyndaǵy konsertter túrli jastaǵy kórermenderdiń qyzyǵýshylyǵyn arttyryp, shahardyń jazǵy mádenı baǵdarlamasynyń aıtýly dástúrine aınalyp keledi.
Jaz boıy tanymal qazaqstandyq estrada juldyzdary qatysatyn konsert ár senbi saıyn jalǵasady. Almatylyqtar men qala qonaqtary alda áli talaı áserli ári áýezdi konsertke kýá bolady.
