25 qazan – Respýblıka kúni qarsańynda Almatydaǵy Qazaq ulttyq qyzdar pedagogıkalyq ýnıversıtetiniń (QyzPU) stýdentteri «Meniń Qazaqstanym!» aksıasyn bastady, - dep habarlaıdy alnews.
Qatysýshylar birigip «Atameken» ánin oryndap, estafetany Qazaqstannyń ózge joǵary oqý oryndaryna joldady.
İs-shara «Respýblıka jáne Konstıtýsıa: jaýapty azamat – qýatty memleket» atty zıatkerlik-aǵartýshylyq aptalyq aıasynda ótti. Bastamanyń maqsaty – elimizdiń ár óńirindegi jastardy Respýblıka kúnin merekeleýge tartý.
«Bul elimizdiń táýelsizdigi men birligin, ulttyq rýhyn dáripteıtin erekshe mereke. Táýelsiz Qazaqstan órkendep, bolashaǵy jarqyn bolsyn!» – dedi ýnıversıtet stýdentteri.
Estafetany jalǵastyrý ALT University men M. Áýezov atyndaǵy Ońtústik Qazaqstan zertteý ýnıversıtetiniń stýdentterine usynyldy. Olar aksıaǵa qosylyp, bastamany ózge joǵary oqý oryndaryna joldaı alady.
Uıymdastyrýshylardyń pikirinshe, bul bastama elimizdiń ár qalasyndaǵy stýdentterdiń bir arnaǵa toǵysyp, Respýblıka kúnin birge atap ótýine jol ashady.
