Almaty Shanhaıda ótken Azıadaǵy eń iri týrısik kórmelerdiń biri — ITB China 2026-ǵa qatysty. Kórmege álemniń túkpir-túkpirinen 80-nen astam el men 700-den astam týrısik kompanıalar bas qosty, - dep habarlaıdy alnews.
Almaty stendi kórmege qatysýshylar men qonaqtar úshin tartymdylyq núktesine aınaldy. Kelýshilerdi ulttyq kostúmdegi batyrlar qarsy aldy, alańda qazaq mýzykasy shyrqaldy, bı qoıylymdary men fleshmobtar ótti, al qonaqtar Almatynyń mádenıetimen, gastronomıasymen jáne týrısik múmkindikterimen tanysty.
Kórme aıasynda Almaty komandasy Halyqaralyq týroperatorlarmen, avıakompanıalarmen jáne týrısik platformalarmen birqatar kezdesýler ótkizdi. Negizgi baǵyt - Almatynyń qytaı naryǵynda ilgerileýi jáne halyqaralyq týrısik yntymaqtastyqty keńeıtý.
Sondaı - aq, ITB China 2026 aıasynda "Almaty qalasynyń týrızm kúnderi" ótti, onda sheteldik seriktesterge taý týrızminen mádenı jáne gastronomıalyq baǵyttarǵa deıingi megapolıstiń týrısik baǵyttary tanystyryldy. İs-shara qorytyndysy boıynsha yntymaqtastyq týraly 5 memorandýmǵa qol qoıyldy.
ITB China 2026 - jyl basynan beri Almaty qatysatyn úshinshi halyqaralyq týrısik kórme. Barlyǵy 2026 jyly qala týrısik áleýetti toǵyz halyqaralyq alańda jáne roýd-shoýda kórsetýdi josparlap otyr.
Qytaıdyń Almatyǵa degen qyzyǵýshylyǵy artyp keledi. 2025 jyldyń qorytyndysy boıynsha Qytaı Reseıden keıin Almatyǵa barý týrızmi boıynsha ekinshi orynǵa ıe boldy-qalaǵa QHR-dan 136,4 myń týrıs keldi.
ITB China 2026-ǵa qatysý Almatynyń Ortalyq Azıadaǵy jetekshi týrısik ortalyqtardyń biri retindegi halyqaralyq bedelin nyǵaıtýdaǵy taǵy bir qadam boldy.
