Almaty qýyrshaq teatry Qazanda ótken halyqaralyq festıváldiń bas júldesin jeńip aldy

2026 jyldyń alǵashqy jartyjyldyǵynda Memlekettik akademıalyq qýyrshaq teatry halyqaralyq teatr festıválderinde Qazaqstannyń atynan sátti óner kórsetti. Bul týraly qalalyq Mádenıet basqarmasynyń ókilderi aıtty.
 
Teatrdyń basty jetistigi Qazan qalasynda ótken «Shombaı-fest – 2026» halyqaralyq qýyrshaq teatrlary festıvalinde Gran-prı júldesin jeńip alýy boldy. «Orteke» spektakli eń joǵary marapatqa laıyq dep tanyldy.
 
Sonymen qatar, teatr Rýmynıadaǵy Halyqaralyq Shekspır festıvaline qatysyp, 2027 jyly ótetin taǵy bir bedeldi halyqaralyq teatr forýmyna shaqyrtý aldy. Sondaı-aq teatr «BIKEN FEST» festıvaliniń qatysýshysy atanyp, 2027 jyly TÚRKSOI uıymy uıymdastyratyn halyqaralyq festıválge qatysýǵa shaqyrtýǵa ıe boldy.