Almaty qalasynda jastar saıasaty salasyndaǵy memlekettik jobalardyń sapaly júzege asýyn qamtamasyz etý maqsatynda mańyzdy kezdesý ótti. Almaty qalasy Jastar saıasaty basqarmasynyń basshysy Azız Kajdenbek úkimettik emes uıymdardyń (ÚEU) ókilderimen jáne jastarǵa arnalǵan jobalardy úılestirip júrgen mamandarmen jumys babyndaǵy kezdesýde bas qosty.
Kezdesý barysynda memlekettik áleýmettik tapsyrys aıasynda júzege asyrylyp jatqan jobalardyń mazmuny, oryndalý barysy jáne nátıjelilik kórsetkishteri jan-jaqty talqylandy. Basqarma basshysy jastarmen jumys isteýdiń, olardyń áleýetin damytý men qoldaýdyń asa ózekti ekendigin atap ótti. Ol óz sózinde:
«Jastarǵa baǵyttalǵan árbir jobanyń artynda naqty nátıje, qoǵamǵa paıdaly ózgeris turýy kerek. Bizdiń mindetimiz – osy bastamalardyń shynaıy júzege asýyn qamtamasyz etý», — dep atap ótti.
Ashyq dıalog formatynda ótken jıyn barysynda jobalardyń ýaqytyly ári sapaly oryndalýy, qujattamalyq eseptilik pen kórsetkishterdiń dál oryndalýy jaıly naqty mindetter qoıyldy. Sondaı-aq, árbir ÚEU-nyń qala jastarynyń qajettilikterine qanshalyqty jaýap berip otyrǵany da nazarǵa alyndy.
Kezdesýdiń qorytyndysynda taraptar birlesken jumys aıasyn keńeıtý, tıimdi keri baılanys ornatý jáne jobalardyń sapasyn arttyrý baǵytynda kelisimge keldi. Mundaı kezdesýler jastarmen jumys isteıtin uıymdar úshin tájirıbe almasýǵa, ózara túsinistik pen seriktestikti nyǵaıtýǵa múmkindik beredi.
Jastar saıasaty basqarmasy aldaǵy ýaqytta da ashyqtyq, tıimdilik jáne seriktestik prınsıpterin basshylyqqa ala otyryp, qalanyń jastaryn qoldaýǵa baǵyttalǵan jobalardy júıeli túrde iske asyrýdy jalǵastyrmaq.
