Abaı atyndaǵy Qazaq ulttyq opera jáne balet teatrynda 5-6 qyrkúıekte Almaty Pop Up Store ótedi, - dep habarlaıdy alnews.
Bul Qazaqstannyń ár qalasynan 50-den astam dızaıner men kásipkerdi biriktiretin jergilikti brendter festıvali.
Bir alańda kıim men aksesýarlar, áshekeı buıymdar, ınterer zattary, kosmetıka, úıge arnalǵan taýar jáne avtorlyq jobalar usynylady. Baǵdarlamada sondaı-aq gastronomıalyq aımaq, seriktesterdiń arnaıy jobalary jáne mýzykalyq qoıylymdar bar.
Eki kún boıy sahnada Lelya, Adina Topash, Kezeñ, Kyle Ruh, menrasaitam jáne Erlan.smp óner kórsetedi.
Festıvál sán, dızaın, qolóner jáne kreatıvti ındýstrıanyń ózge de baǵyt ókilderin biriktirip, zamanaýı qazaqstandyq brendtermen jáne olardyń avtorymen tanysýǵa múmkindik beredi.
Almaty Pop Up Store saǵat 12:00-den 20:00-ge deıin jumys isteıdi. Kirý tegin.
