31 shildeden bastap Almaty men Izmır qalasy arasynda tikeleı áýe reısi iske qosylady, - dep habarlaıdy alnews.
SunExpress áýe kompanıasy ashqan jańa baǵyt Qazaqstan men Túrkıa arasyndaǵy týrısik, iskerlik jáne mádenı baılanysty odan ári nyǵaıtyp, qalanyń halyqaralyq áýe jelisin keńeıtedi.
Izmır – Túrkıanyń iri týrısik jáne ekonomıkalyq ortalyqtarynyń biri, sondaı-aq Egeı teńizi jaǵalaýynyń basty áýe qaqpasy. Jańa reıs eki qala arasyndaǵy qatynasty jeńildetip, týrıser leginiń artýyna yqpal etedi.
Reıster 2026 jyldyń qazan aıynyń sońyna deıin aptasyna eki ret – seısenbi jáne juma kúnderi Boeing 737-800 ushaǵymen oryndalady. Ushaq Izmırden saǵat 21:00-de ushyp, kelesi kúni 05:00-de Almatyǵa qonady. Keri baǵyttaǵy reıster sársenbi jáne senbi kúnderi júzege asyrylady: Almatydan ushý – 06:25, Izmırge kelý – 09:50.
Halyqaralyq áýe baǵyttaryn kóbeıtý Almatynyń týrısik áleýetin arttyrýdaǵy basym baǵyttardyń biri. Jańa reıs qalanyń kólik qoljetimdiligin jaqsartyp qana qoımaı, Almatynyń Ortalyq Azıadaǵy jetekshi týrısik ári avıasıalyq hab retindegi mártebesin odan ári nyǵaıta túsedi.
