Almatyda eki qalanyń týrızm salasy men bıznes ókilderin biriktirgen «Pýsan kúni» ótti, - dep habarlaıdy alnews.
İs-sharaǵa 100-ge jýyq adam qatysty. Qatysýshylar Pýsannyń týrısik áleýetimen, mádenıetimen, sondaı-aq týrızm, kosmetıka jáne kádesyı ónimderi salasynda jumys isteıtin koreı kompanıalarymen tanysty.
«Pýsan kúnin» ótkizý Almaty men Pýsan arasyndaǵy tikeleı baılanysty odan ári damytýǵa múmkindik berdi. 2026 jyly 1 mamyrdan bastap Eastar Jet áýe kompanıasy Almaty – Pýsan baǵyty boıynsha aptasyna eki ret tikeleı reıs oryndaıdy. Ushý ýaqyty shamamen alty saǵat. Bul eki qala arasyndaǵy sapardy jeńildetip, týrızm salasyndaǵy baılanysty arttyrýǵa yqpal etedi.
Almatyǵa Ońtústik Koreıadan keletin týrıser sany da artyp keledi. 2025 jyly qalaǵa Koreıa Respýblıkasynan 23,2 myń týrıs kelgen. Bul 2024 jylmen salystyrǵanda 15,3%-ǵa kóp. Ońtústik Koreıa naryǵy Almaty úshin Azıadaǵy bolashaǵy zor týrısik baǵyttardyń biri bolyp qala beredi. Maýsym aıynda qalanyń Týrızm basqarmasy ókilderi Seoul International Travel Fair (SITF) halyqaralyq kórmesine qatysty. Al qarashada Almaty múmkindikterin Seýlde ótetin KOREA MICE EXPO kórmesinde tanystyrady.
«Pýsan kúni» eki qalanyń týrısik jáne iskerlik áleýetin tanystyrýǵa, jańa seriktestik ornatýǵa jol ashty. Tikeleı áýe qatynasynyń iske qosylýy men týrısik jobalardyń kóbeıýi týrıser legin arttyrýǵa septigin tıgizedi.
