23 qyrkúıekte FlyArystan Almaty – Chýnsın – Almaty baǵyty boıynsha tikeleı áýe reısterin iske qosty, - dep habarlaıdy alnews.
Reıster aptasyna eki ret oryndalady, ushý ýaqyty shamamen bes saǵat. FlyArystan osy baǵytta reıs ashqan alǵashqy qazaqstandyq áýe tasymaldaýshysy boldy. Bul týraly Almaty qalasy Týrızm basqarmasynyń ókilderi habarlady.
Basqarmanyń málimetinshe, Qytaı Almaty úshin negizgi týrısik naryqtardyń biri bolyp qala beredi. 2025 jyly qalaǵa Qytaıdan 136,4 myń týrıs kelgen. Bul aldyńǵy jylmen salystyrǵanda 37,6%-ǵa kóp. Kelý týrızmi boıynsha Qytaı Reseıden keıin ekinshi orynǵa shyqty.
Qazirgi ýaqytta Almatydan Beıjiń, Shanhaı, Úrimshi, Sıan, Hanchjoý, Gýanchjoý, Inın, Chendý jáne Saná qalalaryna tikeleı reıster oryndalady. Chýnsınge jańa baǵyttyń ashylýy Qytaımen tikeleı áýe qatynasynyń geografıasyn odan ári keńeıtti.
Qytaılyq saıahatshylardyń Almatyǵa degen qyzyǵýshylyǵy da artyp keledi. Mastercard Tourism Insights málimetteri boıynsha bir jyl ishinde Qytaıdan Almatyǵa áýe bıletterin izdeý suranystarynyń sany 30 mıllıonnan 56 mıllıonǵa deıin ósken.
Almaty qalasynyń Týrızm basqarmasynda atap ótkendeı, jańa baǵyttyń iske qosylýy týrıser sanyn arttyrýǵa, sondaı-aq Almaty men Qytaı qalalary arasyndaǵy iskerlik jáne mádenı baılanysty damytýǵa múmkindik beredi.
