27 qyrkúıekte Almaty Marathon jarysynyń máre aımaǵynda qaldyqtardy suryptaý, qaıta óńdeý jáne resýrstardy jaýapkershilikpen paıdalaný máselelerine arnalǵan Eco Network ekologıalyq aımaǵy jumys isteıdi. Bul týraly «Eco Almaty» JSHS ókilderi habarlady.
Tańerteńnen saǵat 14:00-ge deıin marafonǵa qatysýshylar men qonaqtar ekologıalyq aımaqqa kelip, Almatydaǵy qaldyqtardy bólek jınaý tártibi týraly aqparat ala alady. Sondaı-aq qaıta óńdeýge qaıtalama shıkizattyń qandaı túrleri qabyldanatynyn bile alady.
İs-shara aıasyndaǵy belsendilikterdiń biri plasık qaqpaqtardy qaıta óńdeý úderisin kórsetý. Kelýshilerge paıdalanylǵan plasıktiń jınalyp, suryptalǵannan bastap qaıta óńdelip, jańa buıymdar óndirisinde qoldanylǵanǵa deıingi joly tanystyrylady.
Ekologıalyq bastamalar marafon trassasynda da júzege asyrylady. Sý taratý beketterinde eriktiler paıdalanylǵan plasık bótelkeler men staqandardy jınaıdy. Marafon aıaqtalǵannan keıin jınalǵan materıaldar suryptalyp, ólshenip, ári qaraı qaıta óńdeýge jiberiledi.
Balalar úshin de arnaıy baǵdarlama qarastyrylǵan. Ekologıalyq aımaqta eko-keńesshiler jumys istep, ekologıa, qaldyqtardy suryptaý jáne qaıta óńdeý taqyryptaryna arnalǵan baıqaýlar men vıktorınalar ótkizedi.
