Almaty qalasynda komúnıtı-ortalyqtardyń rezıdentteri qala tazalyǵy men ınfraqurylymynyń úzdiksiz jumysyn qamtamasyz etip júrgen komýnaldyq qyzmetkerlerdi qoldaý maqsatynda áleýmettik aksıa ótkizdi. İs-shara aıasynda jas belsendiler komýnaldyq mekeme qyzmetkerlerine ystyq shaı men jeńil dámder usynyp, olardyń eńbegine rızashylyqtaryn bildirdi, - dep habarlaıdy alnews.
Aksıa qalanyń ártúrli aýdandarynda ótip, komúnıtı-ortalyqtardyń rezıdentteri, volonterler jáne belsendi jastardy biriktirdi. Qatysýshylar kúndelikti tynymsyz eńbek etip júrgen qyzmetkerlerge alǵys aıtyp, zor densaýlyq pen amandyq tiledi.
Uıymdastyrýshylardyń aıtýynsha, mundaı bastamalar jastar arasynda ózara qurmet pen áleýmettik jaýapkershilik mádenıetin qalyptastyrýǵa baǵyttalǵan. Komúnıtı-ortalyqtar tek ózin-ózi damytý keńistigi ǵana emes, sondaı-aq ıgi ister júzege asatyn jáne qala turǵyndaryn biriktiretin mańyzdy alańǵa aınalyp keledi.
Adam eńbegin qurmetteý, volonterlik qozǵalysty damytý jáne jastardy áleýmettik mańyzy bar jobalarǵa tartý — Almatydaǵy komúnıtı-ortalyqtardyń negizgi baǵyttarynyń biri. Osyndaı aksıalar qoǵamdaǵy yntymaqtastyqty nyǵaıtyp, jas urpaqtyń belsendi azamattyq ustanymyn qalyptastyrýǵa yqpal etedi.
