Almaty qalasynda jastar men volonterlerdiń qatysýymen jalǵyzbasty zeınetkerlerge qoldaý kórsetýge baǵyttalǵan áleýmettik aksıa ótti. İs-shara barysynda belsendi jastar birneshe turǵyn úı aýlasyn tazalap, aýmaqty retke keltirip, qart adamdarǵa kúndelikti turmysta naqty kómek kórsetti, - dep habarlaıdy alnews.
Aksıaǵa komúnıtı-ortalyqtardyń rezıdentteri men eriktiler qatysyp, aýla tazalaý, qoqys jınaý jáne abattandyrý jumystaryn júrgizdi. Bastamanyń basty maqsaty — aǵa býyn ókilderine qamqorlyq tanytý, urpaqtar arasyndaǵy baılanysty nyǵaıtý jáne jastar arasynda áleýmettik jaýapkershilik mádenıetin qalyptastyrý.
«Biz osyndaı ıgi bastamalar arqyly qoǵamdaǵy birlik pen janashyrlyqty kúsheıtkimiz keledi. Árbir tazalanǵan aýla –úlkenderge kórsetilgen shynaıy qamqorlyqtyń belgisi», - dedi aksıaǵa qatysqan volonter Danıar Arǵynbekov.
Uıymdastyrýshylardyń sózinshe, mundaı sharalar aldaǵy ýaqytta da jalǵasyn taýyp, túrli áleýmettik sanattaǵy azamattarǵa qoldaý kórsetý baǵytynda turaqty túrde uıymdastyrylady.
